លោក ស៊ីជីនភីង ប្រធានរដ្ឋចិនបានអញ្ជើញចូលរួមសន្និសីទកំពូលពិសេសនៃមេដឹកនាំប្រទេស G20 ស្តីពីការទប់ទល់នឹងជំងឺកូវីដ-១៩ នៅទីក្រុងប៉េកាំងកាលពីយប់ថ្ងៃទី ២៦ ខែមីនា ។លោក ស៊ីជីនភីង បានសង្កត់ធ្ងន់ថា ជំងឺកូវីដ-១៩ កំពុងរីករាលដាលនៅទូទាំងពិភពលោក សហគមន៍អន្តរជាតិគួរតែពង្រឹងជំនឿចិត្តនិងសាមគ្គីភាពដើម្បីរួមគ្នាទប់ទល់នឹងការរាតត្បាតនៃជំងឺកូវីដ-១៩ ក៏ដូចជាពង្រឹងកិច្ចសហប្រតិបត្តិការអន្តរជាតិនិងប្រមូលផ្តុំនូវកម្លាំងដ៏ខ្លាំងក្លាដើម្បីយកជ័យជម្នះលើការប្រយុទ្ធប្រឆាំងនឹងការរាតត្បាតនៃជំងឺនេះហើយពួតដៃគ្នាដើម្បីយកឈ្នះលើការតស៊ូរបស់មនុស្សជាតិក្នុងការប្រយុទ្ធប្រឆាំងនឹងជំងឺឆ្លងដ៏ធ្ងន់ធ្ងរនេះ៕