សម្ភាសន៍តាមវេបសាយ យកចិត្តទុកដាក់ចំពោះតុលាការយុត្តិធម៌ និងការ
អប់រំដោយស្មើភាព
ថ្ងៃទី ១៣ ខែវិច្ឆិកា មជ្ឈមណ្ឌលព័ត៌មាននៃសមាជបក្សកុម្មុយនិស្តចិនលើកទី ១៨បានធ្វើការសម្ភាសន៍តាមវេបសាយលើប្រធានបទពីរគឺ "តុលាការយុត្តិធម៌ក្នុងប្រទេសចិន"និង "ការអប់រំដោយស្មើភាពក្នុងប្រទេសចិន"ដោយឡែក ។
ក្នុងការសម្ភាសន៍តាមវេបសាយលើកទីមួយ ដែលមានប្រធានបទ "តុលាការយុត្តិធម៌ក្នុងប្រទេសចិន" តំណាងចូលរួមសមាជលើកទី១៨ មានលោកShen Deyongអនុប្រធានអាចិន្ត្រៃយ៍នៃតុលាការប្រជាជនជាន់ខ្ពស់បំផុត លោកស្រីHu Zejunអនុប្រធានអចិន្ត្រៃយ៍នៃអធិការដ្ឋានប្រជាជនខ្ពស់បំផុតនិងលោក Zhao Dacheng អនុរដ្ឋមន្ត្រីក្រសួងយុត្តិធម៌បានឆ្លើយតបនឹងសំណួររបស់អ្នកឡើងបណ្តាញអ៊ីនធើណេត ។
លោកស្រីHu Zejunអនុប្រធានអចិន្ត្រៃយ៍នៃអធិការដ្ឋានប្រជាជនខ្ពស់បំផុត
ពេលឆ្លើយតបសំណួរ លោកស្រី Hu Zejunសំដែងថា បង្កើនការត្រួតពិនិត្យខាងច្បាប់ត្រូវយកចិត្តទុកដាក់កម្រិតខ្ពស់បង្កើនការត្រួតពិនិត្យខ្លួនឯង ដូច្នេះ ត្រូវចាត់ទុកការបង្កើនការត្រួតពិនិត្យខ្លួនឯងដល់កម្រិតខ្ពស់បំផុត ដែលស្មើនឹងការបង្កើនការត្រួតពិនិត្យច្បាប់ដូចគ្នា ។
ប្រធានបទនៃការសម្ភាសន៍តាមវេបសាយលើកទីពីរគឺមានប្រធានបទ "ការអប់រំដោយស្មើភាពក្នុងប្រទេសចិន" ។ លោក Yuan Guiren រដ្ឋមន្ត្រី និងជាលេខាធិការក្រុមបក្សកុម្មុយនិស្តនៃក្រសួងអប់រំប្រទេសចិន លោក Li Shouxin លេខាធិការគណៈកម្មការបក្សកុម្មុយនិស្តសកលវិទ្យាល័យShandongនិងតំណាងចូលរួមសមាជលើកទី១៨ពីររូបទៀតបានឆ្លើយតបសំណួររបស់អ្នកដែលឡើងបណ្តាញអ៊ីនធើណេត ។
អំពីការលើកកម្ពស់សមាមាត្រដែលនិស្សិតក្នុងជនបទចូលក្នុងសកលវិទ្យាល័យសំខាន់លោក Li Shouxin ថ្លែងថា ត្រូវជំរុញសមាហរណកម្មនៃការអភិវឌ្ឍន៍ក្រុងនិងជនបទបង្រួញពន្លាតរវាងក្រុងនិងជនបទ សម្រេចការអប់រំអភិវឌ្ឍន៍ដោយតុល្យាភាព ៕
