សមាជបក្សកុម្មុយនិស្តចិនលើកទី១៨កំពុងបើកធ្វើនៅក្រុងប៉េកាំង។ក្នុងរបាយការណ៍ដែលប្រគល់ជូនសមាជត្រួតពិនិត្យ បក្សកុម្មុយនិស្តចិនដែលកាន់អំណាចបានបរិយាយនូវគោលលំនាំកិច្ចការផ្ទៃក្នុងនិងកិច្ចការទូតនៃប្រទេសចិននាពេលអនាគត។ ការសំដែងមតិដូចជា ជំរុញបង្កើតទំនាក់ទំនងមហាប្រទេសធុនថ្មីដែលអភិវឌ្ឍន៍ដោយបរិសុទ្ធនិងស្ថិរភាពយូរអង្វែង ខិតខំប្រឹងប្រែងអភិវឌ្ឍន៍ខ្លួនដើម្បីផ្តល់ផលប្រយោជន៍កាន់តែល្អដល់ប្រទេសជំវិញជាដើម បានឃើញក្នុងរបាយការណ៍ ឆ្លើយតបនូវការយកចិត្តទុកដាក់របស់មជ្ឈដ្ឋានក្រៅចំពោះនយោបាយទូតនៃប្រទេសចិនដែលបានវិវឌ្ឍនិងប្រែប្រួលយ៉ាងឆាប់រហ័សនេះ។
របាយការណ៍នៃសមាជបក្សកុម្មុយនិស្តចិនលើកទី១៨បានសំដែងយ៉ាងច្បាស់លាស់ថា ប្រទេសចិននឹងខំប្រឹងប្រែងអភិវឌ្ឍន៍ខ្លួនដើម្បីផ្តល់ផលប្រយោជន៍កាន់តែច្រើនដល់ប្រទេសជំវិញ។ លោកកាវជូគុយអ្នកស្រាវជ្រាវនៃមន្ទីរស្រាវជ្រាវអន្តរជាតិនិងយុទ្ធសាស្រ្តបានសម្គាល់ថា នេះសមស្របនឹងគោលលំនាំដែលថារាប់អានជាមួយប្រទេសជិតខាង ធ្វើជាដៃគូជាមួយនឹងប្រទេសជាប់ជិតខាង ជាគោលលំនាំដែលប្រទេសចិនបានអនុវត្ត។ កិច្ចសហប្រតិបត្តិការឈ្នះៗជាមួយគ្នាជាច្រើនឆ្នាំកន្លងមក បានធ្វើឲ្យប្រទេសចិនក្លាយទៅជាដៃគូពាណិជ្ជកម្មធំជាងគេរបស់ប្រទេសជាច្រើននៅជាប់ជិតខាងក្នុងនោះរួមមានប្រទេសជប៉ុនផងដែរ។ នៅពេលអនាគត ប្រទេសចិននឹងបន្តជំរុញកិច្ចសហប្រតិបត្តិការនិងការឈ្នះៗជាមួយគ្នានៅតំបន់ ។
ការវិវាទទឹកដី សិទ្ធិនិងផលប្រយោជន៍លើសមុទ្រជាចំណុចក្តៅនៃទំនាស់រវាងចិននិងប្រទេសនៅជិតខាងមានពាក់ព័ន្ធ ។ លោក Inoue Yoichi នាយកនៃសាខានាយកដ្ឋាននៃស្ថានីយទូរទស្សន៍ TBS នៃប្រទេសជប៉ុនប្រចាំនៅប៉េកាំងបានប្រាប់អ្នកយកព័ត៌មានថា លោកយកចិត្តទុកដាក់ជាពិសេសនូវការសំដែងអំពីការដែលប្រទេសចិននឹងគាំពារសិទ្ធិនិងផលប្រយោជន៍លើសមុទ្រជាតិចិនយ៉ាងម៉ឺងម៉ាត់ក្នុងរបាយការណ៍ ។ តែលោក Qin Yaqing អនុប្រធាននៃវិទ្យាស្ថានការទូតចិនបានសម្គាល់ថា ក្នុងរបាយការណ៍ យើងបានដៅបញ្ជាក់ថា ត្រូវតែគាំពារសិទ្ធិនិងផលប្រយោជន៍លើសមុទ្រ នេះគឺសំខាន់ណាស់ ។ ប្រទេសអធិបតេយ្យភាពណាមួយសុទ្ធតែត្រូវការធ្វើការយ៉ាងនេះ ។ របាយការណ៍ក៏បានដៅបញ្ជាក់ចំណុចមួយថា យុទ្ធសាស្ត្រការពារជាតិទាំងមូលនៃប្រទេសយើងគឺមានលក្ខណៈការពារ នេះមិនដែលកែប្រែទេ ។ ប្រទេសចិនដោះស្រាយបញ្ហាទឹកដីដោយពិគ្រោះពិភាក្សានិងការចរចា នេះក៏ជាគោលជំហរជាគោលការណ៍ដ៏មូលដ្ឋានមួយដែរ ខ្ញុំមិនដែលសម្គាល់ថា រដ្ឋាភិបាលចិនត្រូវកែប្រែទេ ។
ចំពោះប្រទេសចិនដែលជាប្រទេសធំដែលមានបណ្តាជន១ពាន់៣រយលាននាក់ មានទំហំដីទូលំទូលាយហើយរីកចម្រើនឆាប់រហ័ស សំឡេងសង្ស័យមិនដែលបញ្ឈប់ទេ ។ របាយកាណ៍នៃសមាជបក្សកុម្មុយនិស្តចិនលើកទី១៨ក៏បានបង្ហាញឲ្យឃើញយ៉ាងច្បាស់លាស់ម្តងទៀតថា ប្រទេសចិននឹងបន្តលើកទង់សន្តិភាព ការអភិវឌ្ឍន៍ កិច្ចសហប្រតិបត្តិការនិងឈ្នះជាមួយគ្នា ។
ចំពោះការពង្រីកទំនាក់ទំនងរវាងប្រទេសចិននិងមហាប្រទេសនាពេលអនាគតរបាយការណ៍នៃសមាជបក្សកុម្មុយនិស្តចិនលើកទី១៨បានកំណត់ជាការជំរុញបង្កើតទំនាក់ទំនងមហាប្រទេសធុនថ្មីដែលមានស្ថិរភាពយូរអង្វែងនិងវិវឌ្ឍន៍ទៅមុខដោយបរិសុទ្ធ ។ បើគ្រាន់តែនិយាយពីចិននិងអាមេរិកឃើញថាៈក្នុងរយៈពេល១០ឆ្នាំកន្លងទៅប្រមុខរដ្ឋប្រទេសទាំង២បានជួបសន្ទនាចំនួន២៦លើក បានបង្កើតនិងធ្វើឲ្យល្អពេញលេញនូវយន្តការនិយាយឆ្លើយឆ្លងរវាងរដ្ឋាភិបាលចំនួនជាង៩០ ដូចជាការនិយាយឆ្លើយឆ្លងខាងយុទ្ធសាស្ត្រនិងសេដ្ឋកិច្ចរវាងចិននិងអាមេរិកជាដើម ។ ចំពោះអនាគតនៃទំនាក់ទំនងទ្វេភាគីដែលសំខាន់បំផុត ហើយក៏ស្មុកស្មាញបំផុតលើពិភពលោក ប្រហែលជួបប្រទះនូវការសាកល្បង លោកយ៉ាងជាឈឺរដ្ឋមន្ត្រីការបរទេសចិន និងជាតំណាងនៃសមាជបក្សកុម្មុយនិស្តចិនលើកទី១៨បានសំដែងនៅពេលឆ្លើយនឹងសំណួររបស់អ្នកយកព័ត៌មាននៃវិទ្យុយើងខ្ញុំថាៈក្នុងរយៈកាលថ្មីនៃសតវត្សថ្មី ភាគីទាំង២ត្រូវតែគិតពីផលប្រយោជន៍មូលដ្ឋានរបស់ប្រជាជនប្រទេសទាំង២ និងផលប្រយោជន៍រួមរបស់ប្រជាជនពិភពលោក ជំរុញឲ្យទំនាក់ទំនងប្រទេសទាំង២វិវឌ្ឍឥតឈប់ឈរ ។
និយាយចំពោះជប៉ុននិងចិន ដែលឆ្លងកាត់ការវិវាទកោះទាវអ៊ី លោកអ៊ីនូយ័រឈី