និយាយចំពោះមនុស្សដែលចង់ដឹងទិសដៅសេដ្ឋកិច្ចចិនក្នុង ១០ ឆ្នាំខាងមុខ សញ្ញាដ៏ខ្លាំងអំពីការធ្វើឲ្យកំណែទម្រង់ប្រព័ន្ធសេដ្ឋកិច្ចកាន់តែស៊ីជម្រៅរបស់សមាជបក្សកុម្មុយនិស្តចិនលើកទី ១៨ ដែលបញ្ចេញនោះគឺមិនអាចធ្វេសប្រហែសបានទេ ។
ក្នុងរបាយការណ៍សមាជបក្សកុម្មុយនិស្តចិនលើកទី ១៨ លោក Hu Jintao បានអធិប្បាយអំពីការធ្វើឲ្យកំណែទម្រង់ប្រព័ន្ធសេដ្ឋកិច្ចកាន់តែស៊ីជម្រៅដោយសព្វមុខដោយដាក់វាជាចំណុចអាទិភាពទី ១ ក្នុងចំណោមសំណូមពរជាក់ស្តែង ៥ ខនៃការកសាងសេដ្ឋកិច្ចនៅពេលអនាគត ហើយវែកញែកថា ការធ្វើឲ្យកំណែទម្រង់កាន់តែស៊ីជម្រៅជាគន្លឹះនៃការបង្កើនល្បឿនកែប្រែរូបភាពអភិវឌ្ឍន៍សេដ្ឋកិច្ច ។
លោក Liu Peilin អ្នកស្រាវជ្រាវនៃមជ្ឈមណ្ឌលស្រាវជ្រាវការអភិវឌ្ឍន៍នៃក្រុមប្រឹក្សាកិច្ចការរដ្ឋចិនបានថ្លែងថា បរិវេណសេដ្ឋកិច្ចអន្តរជាតិបានមានការប្រែប្រួលដ៏សំខាន់ក្រោយពីវិបត្តិហិរញ្ញវត្ថុ ប្រទេសរីកលូតលាស់បានធ្វើការកែទម្រង់រចនាសម្ព័ន្ធ ហើយកំពុងនឹងមានបដិវត្តបច្ចេកទេសថ្មី ។ ព្រមជាមួយនេះ មនុស្សលោកកំពុងប្រឈមមុខធាតុអាកាសប្រែប្រួល ការកែសម្រួលរចនាសម្ព័ន្ធសេដ្ឋកិច្ចពិភពលោកទាំងមូលសមាហរណកម្មពិភពលោកទាំងមូលនិងការសាកល្បងផ្សេងទៀត កត្តាទាំងអស់នេះសុទ្ធតែទាមទារឲ្យប្រទេសចិនធ្វើឲ្យកំណែទម្រង់ប្រព័ន្ធសេដ្ឋកិច្ចកាន់តែស៊ីជម្រៅ ។
របាយការណ៍សមាជបក្សកុម្មុយនិស្តចិនលើកទី ១៨ បានចែងថា ត្រូវតែពង្រីកតួនាទីមូលដ្ឋាននៃទីផ្សារក្នុងការចាត់ចែងប្រភពធនធានដោយកម្រិតកាន់តែធំនិងក្របខ័ណ្ឌកាន់តែទូលាយ ។