ក្នុងរបាយការណ៍ដែលថ្លែងទៅកាន់អង្គសមាជលើកទី១៨នៃបក្សកុម្មុយនិស្តចិនលោកHuJintaoប្រធានរដ្ឋចិនបានលើកឡើងនូវគោលដៅកសាងដោយសព្វសារពើនូវសង្គមធូរធាល្មមនិងធ្វើឲ្យកំណែទម្រង់ព្រមនិងការបើកចំហឲ្យកាន់តែស៊ីជម្រៅដោយគ្រប់ជ្រុងជ្រោយ។
យោងតាមការអភិវឌ្ឍន៍ជាក់ស្តែងខាងសេដ្ឋកិច្ចនិងសង្គមកិច្ចប្រទេសចិន គប្បីខិតខំសម្រេបាននូវសំណូមពរថ្មីដោយឈរលើមូលដ្ឋាននៃគោលដៅកសាងដោយសព្វសារពើនូវសង្គមធូរធាល្មមដែលសមាជលើកទី១៦និងទី១៧បានកំណត់នោះ ពោលគឺសេដ្ឋកិច្ចអភិវឌ្ឍន៍ដោយបរិសុទ្ធនិងជានិរន្តរភាព លទ្ធិប្រជាធិបតេយ្យរបស់ប្រជាជនត្រូវបានពង្រីកឥតឈប់ឈរ កម្លាំងទន់ខាងវប្បធម៌ត្រូវបានបង្កើនឡើងយ៉ាងលេចធ្លោ កម្រិតជីវភាពរបស់ប្រជាជនត្រូវបានលើកកម្ពស់ដោយសព្វគ្រប់ កិច្ចកសាងសង្គមធុនសន្សំសំចៃថាមពលនិងចុះសម្រុងជាមួយបរិស្ថានទទួលបានការរីកចម្រើនធំនិងសំខាន់។
លោកHu Jintaoបានចង្អុលបង្ហាញថា ការកសាងដោយសព្វសរពើនូវសង្គមធូរធាល្មមចាំបាច់ត្រូវតែធ្វើឲ្យកំណែទម្រង់ក្នុងវិស័យសំខាន់ៗមានភាពកាន់តែស៊ីជម្រៅ ត្រូវពន្លឿនការកែសម្រួលប្រព័ន្ធសេដ្ឋកិច្ចទីផ្សារសង្គមនិយមឲ្យមានភាពល្អពេញលេញពន្លឿនការជំរុញនយោបាយប្រជាធិបតេយ្យសង្គមនិយមឲ្យទៅជារបប មានបទដ្ឋាននិងសមស្របតាមរបៀបវារៈ ពន្លឿនធ្វើឲ្យប្រព័ន្ធគ្រប់គ្រងវប្បធម៌និងយន្តការផលិតកម្មនិងអាជីវកម្មខាងវប្បធម៌មានសុក្រឹតភាព ពន្លឿនការកកើតនូវប្រព័ន្ធគ្រប់គ្រងសង្គមតាមវិទ្យាសាស្រ្តដែលមានប្រសិទ្ធភាព ព្រមទាំងពន្លឿនការកសាងរបបអេកូអរិយ្យធម៌៕