ប្រធានបទក្នុងរបាយការណ៍សមាជបក្សកុម្មុនិស្តចិនលើកទី១៨
2012-11-09 14:16:42 cri Web Editor:guochangying
ក្នុងរបាយការណ៍ដែលថ្លែងទៅកាន់អង្គសមាជជាតិបក្សកុម្មុនិស្តចិនលើកទី១៨លោកហ៊ូជីនថាវបានថ្លែងថាសមាជជាតិលើកទី១៨នៃបក្សកុម្មុនិស្តចិនជាសមាជដ៏សំខាន់ក្រៃលែងមួយលើកដែលប្រទេសចិន បានឈានចូលក្នុងរយៈកាលធ្វើការសម្រេចកសាងសង្គមធូរធារល្មមលើគ្រប់វិស័យ។ ប្រធានបទនៃសមាជជាតិបក្សកុម្មុនិស្តចិនលើកនេះគឺៈលើកជ្រោងទង់ដ៏មហិមានៃសង្គមនិយមដែលមានលក្ខណៈពិសេសប្រទេសចិន យកទ្រឹស្តីលោកតឹងស៊ីវផីងនិងគំនិតសំខាន់តំណាង៣ ហើយនិងទស្សនៈអភិវឌ្ឍន៍ដោយវិទ្យាសាស្ត្រធ្វើជាត្រីវិស័យ រំដោះគំនិត ធ្វើកំណែទម្រង់និងបើកចំហចំពោះក្រៅប្រទេស ព្រមទាំងប្រមូលផ្តុំកម្លាំង ពុះពារគ្រប់ឧបសគ្គដែលពិបាកដោះស្រាយ ឈានទៅមុខយ៉ាងម៉ឺងម៉ាត់មិនងាករេដោយដើរតាមផ្លូវសង្គមនិយមដែលមានលក្ខណៈពិសេសប្រទេសចិន ខំប្រឹងតស៊ូប្រយុទ្ធដើម្បីកសាងសង្គមធូរធារល្មមលើគ្រប់វិស័យ៕
