China Radio International

វីដេអូ

More>>

ឯកអគ្គរដ្ឋទូតឥណ្ឌូនេស៊ីប្រចាំនៅប្រទេសទេសចិនបានថ្លែងថា លោកពោរពេញទៅដោយសេចក្តីសង្ឃឹមចំពោះក្រុមអ្នកដឹកនាំថ្មីនៃបក្សកុម្មុយនិស្តចិន

2012-11-07 16:21:56 cri Web Editor:zhangshixin

ថ្ងៃទី៦ខែវិច្ឆិកា លោក Imron Cotanឯកអគ្គរដ្ឋទូតឥណ្ឌូនេស៊ីប្រចាំនៅប្រទេសចិនបានថ្លែងនៅក្រុងប៉េកាំងថា លោកពោរពេញទៅដោយសេចក្តីសង្ឃឹមចំពោះក្រុមអ្នកដឹកនាំថ្មីនៃបក្សកុម្មុយនិស្តចិន ជឿជាក់ថាប្រទេសចិននឹងប្រកាន់ខ្ជាប់ការជំរុញការប្រាស្រ័យទាក់ទងដោយមេត្រីភាពរវាងប្រទេសទាំង២ចិននិងឥណ្ឌូនេស៊ីក៏ដូចជាប្រជាជនប្រទេសទាំង២ផងដែរ។

ពេលទទួលការយកបទសម្ភាសន៍ពីអ្នកសារព័ត៌មាននៃវិទ្យុអន្តរជាតិចិននាមុនពេលបើកធ្វើសមាជបក្សកុម្មុយនិស្តចិនលើកទី១៨ លោកImron Cotanបានថ្លែងថា លោកជឿជាក់ថាក្រោមការដឹកនាំដោយក្រុមអ្នកដឹកនាំអាណត្តិថ្មីនៃបក្សកុម្មុយនិស្តចិន ប្រទេសចិននឹងបន្តប្រកាន់ខ្ជាប់មតិឯកភាពរួមស្តីពីកិច្ចសហប្រតិបត្តិការដែលរដ្ឋាភិបាលនិងគណបក្សប្រទេសទាំង២បានឈានដល់រួចមកហើយនោះ សំដៅជំរុញយ៉ាងរឹងប៉ឹងនូវការប្រាស្រ័យទាក់ទងដោយមេត្រីភាពរវាងប្រទេសទាំង២ចិននិងឥណ្ឌូនេស៊ីក៏ដូចជាប្រជាជនប្រទេសទាំង២ផងដែរ។ព្រមពេលជាមួយគ្នាលោកបានសង្ឃឹមថាបក្សកុម្មុយនិស្តចិនអាចបង្កើនការធ្វើទស្សនកិច្ចទៅវិញទៅមកជាមួយគណៈបក្សសំខាន់នានានៃឥណ្ឌូនេស៊ី ដើម្បីលើកកម្ពស់កម្រិតនៃការផ្លាស់ប្តូរនិងកិច្ចសហប្រតិបត្តិការទ្វេភាគីក្នុងន័យជំរុញការផ្លាស់ប្តូររវាងគណៈបក្សនៃប្រទេសទាំង២ឲ្យឈានទៅមុខថែមមួយកម្រិតទៀត។

ពិធីករពិធីការិនី