ថ្ងៃទី៦ខែកញ្ញា កិច្ចប្រជុំកំពូលលើកទី៨នៃអ្នកដឹកនាំក្រុមប្រទេសG20បានបន្តបើកធ្វើនៅក្រុងសាំងពេទែស្បួនៃប្រទេសរុស្ស៊ីតទៅទៀត លោកXi Jinpingប្រធានរដ្ឋចិនបានអញ្ជើញចូលរួម ព្រមទាំងបានថ្លែងសុន្ទរកថាអំពីបញ្ហាពិភាក្សាដូចជាពាណិជ្ជកម្មជាដើម។
លោកXi Jinpingបានបង្ហាញថា៖ បច្ចុប្បន្នការការពារនិយមខាងពាណិជ្ជកម្មបានងើបឡើងយ៉ាងឆាប់រហ័ស ការចរចាវគ្គដូហាបានស្ទះដំណើរ ប្រព័ន្ធពាណិជ្ជកម្មពហុភាគីបានប្រឈមមុខនឹងការសាកល្បងជាច្រើន ការនេះ គឺមិនអនុគ្រោះដល់សេដ្ឋកិច្ចពិភពលោកងើបឡើងវិញ មិនសមស្របនឹងផលប្រយោជន៍របស់ប្រទេសនានា។ បរិមាណពាណិជ្ជកម្មរបស់ក្រុមប្រទេសG20ត្រូវជា៨០%នៃបរិមាណពាណិជ្ជកម្មពិភពលោកត្រូវតែមានមនសិការគិតពិចារណានិងទទួលខុសត្រូវ ជំរុញឲ្យពាណិជ្ជកម្មពិភពលោកវិវឌ្ឍន៍រីកចំរើនក្នុងដំណាក់កាលថ្មី ។
លោកXi Jinpingបានគូសបញ្ជាក់ថា៖ ទី១ ប្រឆាំងនឹងការការពារនិយមខាងពាណិជ្ជកម្ម គាំពារនិងអភិវឌ្ឍន៍សេដ្ឋកិច្ចពិភពលោកធុនបើកចំហ។ ក្រុមប្រទេសG20ត្រូវខឹតខំបង្កើតបរិវេនពាណិជ្ជកម្មពិភពលោកដែលបើកចំហដោយសេរី ជំរុញសេរីភាវូបនីយកម្មពិភពលោកនិងងាយស្រួល។ទី២ បង្កើនប្រព័ន្ធពាណិជ្ជកម្មពហុភាគីជំរុញការចរចាវគ្គដូហា។ ទី៣ ធ្វើឲ្យសង្វាក់តម្លែពិភពលោកល្អពេញលេញ កសាងទីផ្សារធំដោយធ្ចើសមាហរណកម្មពិភពលោក។ ភាគីចិនបានសម្រេចទាំងស្រុងនូវការអនុគ្រោះលើកលែងពន្ធចំពោះផលិតផលក្នុងបញ្ជីពន្ធ៩៥%ចំពោះប្រទេសមិនរីកលូតលាស់បំផុតដែលបានបង្កើតទំនាក់ទំនងផ្លូវទូតជាមួយប្រទេសចិន ហើយដល់ឆ្នាំ២០១៥នឹងលើកកំពស់សមាមាត្រដូចពោលខាងលើឲ្យដល់ទៅ៩៧% ។
