ថ្ងៃទី៥ខែកញ្ញា លោកXi Jin ping ប្រធានរដ្ឋចិនដែលអញ្ជើញចូលរួមសន្និសីទកំពូលនៃក្រុមG-20នៅក្រុង Saint Peterburg បានធ្វើការជួបសន្ទនាក្រៅផ្លូវការជាមួយអ្នកដឹកនាំរបស់ប្រទេសBRICS ក្នុងបំណងផ្លាស់ប្តូរមតិនិងសម្រុះសម្រួលគ្នាអំពីគោលជំហរនៃកិច្ចសហប្រតិបត្តិការរវាងប្រទេសBRICSព្រមទាំងបញ្ហាអន្តរជាតិនិងតំបន់ដ៏ធំសំខាន់ ។ លោកXi Jin ping បានគូសបញ្ជាក់ជាពិសេសថា ត្រូវបង្កើនល្បឿនបង្កើតធនាគារអភិវឌ្ឍន៍នៃប្រទេសBRICSនិងរៀបចំបង្កើតមូលនិធិរូបិយប័ណ្ណបម្រុងទុកគ្រាមានហានិភ័យ បង្កើតបណ្តាញសន្តិសុខហិរញ្ញវត្ថុនៃប្រទេសBRICS ។
អំពីការចាត់ចែងមូលនិធិរូបិយប័ណ្ណបម្រុងទុកគ្រាមានហានិភ័យរបស់ប្រទេសBRICS លោកZhu Guang yao អនុរដ្ឋមន្ត្រីនៃក្រសួងហិរញ្ញវត្ថុចិនបានថ្លែងនៅថ្ងៃទី៥ខែកញ្ញានៅក្រុង Saint Peterburg ថា បច្ចុប្បន្ននេះ ភាគីនានាបានសម្រេចការពិគ្រោះពិភាក្សាជាមូលដ្ឋានហើយ ទ្រង់ទ្រាយសរុបគឺ១សែនលានដុល្លារអាមេរិក ប្រទេសBRICS ទាំងអស់សុទ្ធតែមានសមត្ថភាពចូលរួមការចាត់ចែងនេះហើយប្រើប្រាស់យន្តការនេះ ។
តាមដឹង ប្រទេសចិននឹងគ្រប់គ្រងក្នុងការត្រៀមរៀបចំមូលនិធីរូបិយប័ណ្ណបម្រុងទុកគ្រាមានហានិភ័យនៃប្រទេស Brics ។ ចំពោះការនេះ លោក Jin Zhongxia បានសម្គាល់ថា ប្រទេសចិននឹងជាសមាជិកដែលដើរតួនាទីសំខាន់ក្រោមយន្តការនេះ ក្រៅពីនេះ ការនាំចូលច្រើនជាងនាំចេញផ្នែកពាណិជ្ជកម្មរបស់រុស្ស៊ីនិងការបម្រុងទុកផ្នែករូបិយប័ណ្ណក៏មិនតិចដែរ តួនាទីគឺមិនអាចមើលរំលងបានទេ ។
លោកស្រីHuangWeiអ្នកស្រាវជ្រាវនៃមន្ទីរស្រាវជ្រាវសេដ្ឋកិច្ចនិងនយោបាយពិភពលោកនៃបណ្ឌិតសភាវិទ្យាសាស្ត្រសង្គមប្រទេសចិនបានសម្គាល់ថា ធនាគារអភិវឌ្ឍន៍ប្រទេស Brics សំខាន់នឹងបង្កើតអង្គការជាក់ស្តែងបែបហិរញ្ញវត្ថុមួយ ។ ហើយនឹងជាតួអង្គហិរញ្ញវត្ថុជាក់ស្តែងមួយ ដែលអាចបំផុសសាក្តនុពលនៃកំណើនរបស់ប្រទេសមានពាក់ព័ន្ធ ។
