ថ្ងៃទី ២៩ ខែធ្នូ លោកភូទីនប្រធានាធិបតីរុស្ស៊ីបានចុះហត្ថលេខាលើក្រឹត្យប្រធានាធិបតី ដើម្បីបន្ថែមការយកពន្ធគយចំពោះផលិតផលនាំចេញនាំចូលមួយចំនួន ព្រមទាំងបានបន្ថែមបញ្ជីវិធានការសេដ្ឋកិច្ចពិសេសដើម្បីប្រឆាំងនឹងការដាក់ទណ្ឌកម្ម។

     សូមបញ្ជាក់ថា នៅថ្ងៃទី ១០ ខែមីនាឆ្នាំ ២០២២ រដ្ឋាភិបាលរុស្ស៊ីបានកំណត់ពីមុខទំនិញហាមនាំចេញជាង ២០០ ប្រភេទ បូករួមទាំងផលិតផលបច្ចេកទេស បរិក្ខារទូរគមនាគមន៍ បរិក្ខារពេទ្យ រថយន្ត គ្រឿងយន្តកសិកម្មនិងបរិក្ខាអគ្គិសនីជាដើម៕