តបតាមការអញ្ជើញរបស់លោកMacronប្រធានាធិបតីសាធារណរដ្ឋបារាំង លោកVučić ប្រធានាធិបតីសាធារណរដ្ឋស៊ែប៊ី លោកSULYOKប្រធានាធិបតីហុងគ្រីនិងលោក Orbán នាយករដ្ឋមន្រ្តីហុងគ្រី លោក Xi Jinping ប្រធានរដ្ឋចិននឹងអញ្ជើញទៅបំពេញទស្សនកិច្ចផ្លូវរដ្ឋនៅប្រទេសទាំងបីនេះចាប់ពីថ្ងៃទី៥ដល់ថ្ងៃទី១០ខែឧសភាឆ្នាំ២០២៤។
ថ្ងៃទី២៩ខែមេសា លោក Lin Jian អ្នកនាំពាក្យក្រសួងការបរទេសចិនបានធ្វើបទបង្ហាញបន្ថែមទៀតអំពីកម្មវិធីលម្អិតនិងការំពឹងទុកនៃដំណើរទស្សនកិច្ចលើកនេះនៅក្នុងសន្និសីទសារព័ត៌មានជាប្រចាំ។ លោក Lin Jian បានថ្លែងថា ដំណើរទស្សនកិច្ចលើកនេះគឺជាដំណើរទស្សនកិច្ចលើកដំបូងរបស់ប្រមុខរដ្ឋចិននៅអឺរ៉ុបក្នុងរយៈពេល៥ឆ្នាំកន្លងមកនេះ ដែលមានសារៈសំខាន់ចំពោះការជំរុញការអភិវឌ្ឍជាទូទៅនៃទំនាក់ទំនងរវាងចិនជាមួយប្រទេសបារាំង ស៊ែប៊ី ហុងគ្រី ព្រមទាំងទំនាក់ទំនងរវាងចិននិងអឺរ៉ុប ហើយក៏នឹងបំពេញបន្ថែមនូវកម្លាំងចលកថ្មីសម្រាប់ការអភិវឌ្ឍដោយសន្តិភាពរបស់ពិភពលោកផងដែរ។