ហេតុអ្វីបានជាជនជាតិចិនហៅសាធារណរដ្ឋប្រជាមានិតចិនថា «ប្រទេសចិនថ្មី» ? ចាប់ពីខែតុលា ឆ្នាំ ១៩៤៩ ប្រទេសចិនដ៏ថ្មីស្រឡាងបានចាប់ផ្តើមធ្វើទំនើបកម្មដោយម្ចាស់ការ។  ពេលដែលយើងលើកឡើងពីប្រទេសចិនថ្មី  ចាំបាច់ត្រូវលើកឡើងពីគ្រា គន្លឹះមួយ  ដែលកើតឡើងចាប់ពីចុងឆ្នាំ ១៩៧៨។

      កាលនោះ មជ្ឈិមបក្សកុម្មុយនីស្តចិនបានបើកធ្វើកិច្ចប្រជុំពេញអង្គ និងបានសម្រេចបង្វែរស្នូលការងារបក្សនិងរដ្ឋទៅលើការកសាងសេដ្ឋកិច្ច តាមរយៈការធ្វើកំណែទម្រង់និងបើកទូលាយ។

        ដើម្បីលើកទឹកចិត្តមជ្ឈដ្ឋានឧស្សាហកម្មនិងពាណិជ្ជកម្មឱ្យចូលរួមការកសាងសេដ្ឋកិច្ចជាតិ ក្រោយបានបញ្ចប់កិច្ចប្រជុំមជ្ឈិមបក្ស លោក តេង ស៊ាវ ភីង បានអញ្ជើញសហគ្រិនវ័យចំណាស់ចំនួន៥ រូប ទៅសំណេះសំណាលគ្នានៅមហាវិមានប្រជាជននៅក្រុងប៉េកាំង ។ សហគ្រិនវ័យចំណាស់ប្រាំរូបនោះ មានអាយុជាមធ្យម ៧៨ ឆ្នាំ  ដែលមានបទពិសោធច្រើនក្នុងការបង្កើតនិងគ្រប់គ្រងសហគ្រាសឧស្សាហកម្មទ្រង់ទ្រាយធំ ដែលល្បីល្បាញក្នុងតំបន់អាស៊ីដូចជាឧស្សាហកម្មវាយនភ័ណ្ឌ ដែកថែប  ស៊ីម៉ងត៍ គ្រឿងចក្រ និងសម្ភារ:ធ្វើពីរោមជ្រូក ជាដើម។

        តើត្រូវធ្វើកំណែទម្រង់យ៉ាងណាចំពោះរោងចក្រដែលឆ្លងផុតសម័យចាស់មកសម័យថ្មី?  មូលធនបរទេសគួរដំណើរការតាមរបៀបណា? សហគ្រិនឧស្សាហកម្មនិងពាណិជ្ជកម្មជាតិនិងអន្តរជាតិចូលរួមការកសាងប្រទេសតាមវិធីណា?   គួរបង្កើត និម្មបនកម្មសេដ្ឋកិច្ចជាតិថ្មីតាមមធ្យោបាយអ្វី ? ក្នុងរយៈពេលជាង ២ ម៉ោងនៃការសំណេះសំណាល់ អ្នកទាំងអស់គ្នាបានផ្លាស់ប្តូរមតិយោបល់យ៉ាងស្មោះត្រង កង្វល់និមួយៗក៏ត្រូវបានលុបបំបាត់ជាបណ្តើៗ។

      ដល់ពេលថ្ងៃត្រង់ លោក តេង ស៊ាវ ភីង បានស្នើឱ្យហូបបាយជាមួយគ្នា ម្ចាស់ផ្ទះនិងភ្ញៀវបានសំណេះសំណាលគ្នាយ៉ាងសប្បាយរីករាយ លោក តេង ស៊ាវ ភីង បានលើកឡើងជាលើកទមួយថា ប្រទេសចិនថ្មីគួរទាក់ទាញទុនវិនិយោគពីបរទេស នឹងគាំទ្រការបង្កើតសហគ្រាសឯកជន ដែលបានបើកទ្វារនៃតំបន់ហាមឃាត់អំពីការអភិវឌ្ឍសេដ្ឋកិច្ចមិនមែនសាធារណៈនៅប្រទេសចិន។

     អាហារថ្ងៃត្រង់នេះ វាបានជួយដោះស្រាយរឿងរ៉ាវដែលជះឥទ្ធិពលយ៉ាងស៊ីជម្រៅចំពោះការអភិវឌ្ឍសេដ្ឋកិច្ចជាតិរបស់ប្រទសចិនថ្មីដែលទើបបង្កើតឡើង។  អាហារថ្ងៃ ត្រង់មួយពេលដ៏ល្បីឈ្មោះនេះ តែតាមពិតមុខម្ហូបធម្មតាណាស់គឺ ស៊ុបឆ្នាំភ្លើងរស់ជាតិ ប៉េកាំង  ដែលមានសាច់មួយមុខ បន្លែ២មុខ សាច់ចៀម តាវហ៊ូ និងស្ពៃស។  យ៉ាងណាមិញ   មនុស្សជំនាន់ក្រោយបានវាយតម្លៃថា   ម្ហូបមួយពេលនេះ បានធ្វើឱ្យសេដ្ឋកិច្ចឯកជនចិនចូលផ្លូវល្បឿនលឿន។

     ពីមុនមនុស្សបួនរយលាននាក់ហូបបាយមិនឆ្អែត បច្ចុប្បន្នប្រជាពលរដ្ឋ ១៤០០ លាននាក់រកទិញរបស់របរមកពីគ្រប់ទិសទីលើពិភពលោក និងផ្តល់ផលិតផលចិនទៅទូទាំងពិភពលោក  ---  រឿងរ៉ាវបស់ប្រទេសចិនថ្មីបានលើកទឹកចិត្តដល់មនុស្សច្រើនឡើងៗ  ការអភិវឌ្ឍគឺជាគន្លឺះ។

       ប្រជាជនចិនមិនត្រឹមតែប្រសប់ជម្រុះចោលរបស់ចាស់ប៉ុណ្ណោះទេ  ក៏ប្រសប់បង្កើតរបស់ថ្មីផងដែរ ។ ចាប់ពីបង្កើតប្រទេសចិនថ្មីដល់ការធ្វើកំណែទម្រង់និងបើកទូលាយ  ក្នុងរយៈពេលជាងសាមសិបឆ្នាំ  បក្សកុម្មុយនីស្តចិនដែលជាបក្សកាន់អំណាចរបស់ប្រទេសចិនបានដឹកនាំប្រជាជនចិនលុបបំបាត់ទាំងស្រុងនូវរបបកេងប្រវ័ញ្ច , ក្នុងរយៈពេលជាងសែសិបឆ្នាំបន្ទាប់មក   ការធ្វើកំណែទម្រង់និងការបើកទូលាយបានជំរុញឱ្យប្រទេសចិនបោះជំហានយ៉ាងលឿននិងអស្ចារ្យដើម្បីដើរទាន់យុគសម័យ   ។ខណៈសេដ្ឋកិច្ចឯកជនក៏បានប្រែពីភាពទន់ខ្សោយទៅជារឹងមាំខ្លាំងក្លា  រហូត បានក្លាយជាកម្លាំងចលករដ៏សំខាន់មួយនៃការធ្វើទំនើបកម្មតាមបែបផែនចិន។

       «ការធ្វើទំនើបកម្ម និយាយឱ្យចំទៅគឺដើម្បីឱ្យប្រជាជនទទួលបានជីវភាពកាន់តែល្អ ។ ការចញ្ចឹមបីបាច់និងអប់រំកូនៗ ការបណ្តុះបណ្តាលយុវវ័យឱ្យលូតលាស់ជាធនធានមនុស្សដែលមានសមត្ថភាពកសាងមាតុប្រទេសឱ្យល្អ  ការដែលមនុស្សចាស់ស្រួលមើលជំងឺស្រួលទទួលបានសេវាថែទាំសុខភាព...  តម្រូវការរបស់ក្រុមគ្រួសារនីមួយៗគឺជាការងារនៃរដ្ឋាភិបាល។ » «  គោលនយោបាយធ្វើកំណែទម្រង់និងបើកទូលាយរបស់ប្រទេសចិន នឹងមិនប្រែប្រួលក្នុងរយ:ពេលយូរ ។   សម្រាប់ប្រទេសទាំងអស់ដែលមានឆន្ទៈធ្វើកិច្ចសហប្រតិបត្តិការឈ្នះ-ឈ្នះជាមួយយើង យើងសុទ្ធតែរីករាយរួមជាមួយពួកគេ ដើម្បីជំរុញឱ្យសេដ្ឋកិច្ចពិភពលោកអភិវឌ្ឍកាន់តែរុងរឿង» ---- នេះបើតាមប្រសាសន៍លោក Xi Jinping  ប្រមុខរដ្ឋចិន៕