ថ្ងៃទី២៩ខែវិច្ឆិកា លោកRaisi ប្រធានាធិបតីអ៊ីរ៉ង់បានថ្លែងថា ការដែលលោកSudaniនាយករដ្ឋមន្ត្រីអ៊ីរ៉ាក់ដឹកនាំគណៈប្រតិភូមកបំពេញទស្សនកិច្ចនៅអ៊ីរ៉ង់ គឺជា"ចំណុចរបត់នៃទំនាក់ទំនងរវាងប្រទេសទាំង២" ហើយសង្ឃឹមថា ដំណើរទស្សនកិច្ចលើកនេះអាច"លំណឹងទំនាក់ទំនងមិត្តភាពរវាងប្រទេសទាំង២"។
តាមវេបសាយរបស់ប្រធានាធិបតីអ៊ីរ៉ង់បានផ្សាយដំណឹងថា នៅក្នុងសន្និសីទកាសែតរួមដែលបានធ្វើឡើងនៅទីក្រុងតេហេរ៉ង់នៅថ្ងៃដដែលនោះ លោកRaisi បានថ្លែងថា អ៊ីរ៉ង់និងអ៊ីរ៉ាក់មាន"កិច្ចសហប្រតិបត្តិការល្អនិងជិតស្និទ្ធ"ក្នុងវិស័យនយោបាយ សេដ្ឋកិច្ច សន្តិសុខ សង្គម វប្បធម៌ និងបច្ចេកវិទ្យាជាដើម សង្ឃឹមថា កិច្ចសហប្រតិបត្តិការទ្វេភាគីនឹងត្រូវបានពង្រឹងបន្ថែមទៀត។
លោកSudaniបានកត់សម្គាល់ថា ការដែលរួមសហការគ្នារវាងប្រទេសទាំង២ក្នុងវិស័យសេដ្ឋកិច្ច សន្តិសុខក្នុងតំបន់ ព្រមទាំងការប្រយុទ្ធប្រឆាំងនឹងអំពើភេរវនិយមនិងគ្រឿងញៀន គឺមានសារៈសំខាន់ណាស់។ លោកបានបន្តថា មន្ត្រីសន្តិសុខនៃប្រទេសទាំង២នឹងធ្វើការពិភាក្សាក្នុងអំឡុងពេលដំណើរទស្សនកិច្ចនេះ ដើម្បីស្វែងរកការឯកភាពរួម៕