ថ្ងៃទី៧ខែវិច្ឆិកា ក្រសួងពាណិជ្ជកម្មចិន រដ្ឋបាលជាតិស្ថិតិចិន និងរដ្ឋបាលជាតិគ្រប់គ្រងការប្តូរប្រាក់ចិនបានរួមគ្នាចេញផ្សាយ 《សេចក្តីប្រកាសអំពីស្ថិតិនៃការវិនិយោគផ្ទាល់ចំពោះក្រៅប្រទេសរបស់ប្រទេសចិនប្រចាំឆ្នាំ២០២១》។ យោងតាមសេចក្តីប្រកាសបង្ហាញឱ្យដឹងថា នៅឆ្នាំ២០២១ ទំហំវិនិយោគផ្ទាល់ចំពោះក្រៅប្រទេសរបស់ប្រទេសចិន ត្រូវជា១៧ម៉ឺន៨ពាន់៨រយ២០លានដុល្លារអាមេរិក កើនឡើង១៦.៣ភាគរយ បើប្រៀបធៀបនឹងឆ្នាំ២០២០ដែលជាប់ចំណាត់ថ្នាក់៣លេខាខាងមុខលើពិភពលោកក្នុងរយៈពេល១០ឆ្នាំជាប់ៗគ្នា រក្សាឋានៈជាប្រទេសខ្លាំងខាងវិនិយោគចំពោះក្រៅប្រទេស។
ក្រៅពីនេះទៅទៀត ការវិនិយោគរបស់ប្រទេសចិននៅក្នុងបណ្តាប្រទេសនៅតាម "ខ្សែក្រវាត់និងផ្លូវ" បានបន្តកើនឡើង។ គិតរហូតដល់ចុងឆ្នាំ២០២១ ប្រទេសចិនបានបង្កើតសហគ្រាសជាង១ម៉ឺន១ពាន់ នៅតាមបណ្តាប្រទេសនៅតាម"ខ្សែក្រវាត់និងផ្លូវ" ដែលស្មើនឹងប្រហែលមួយភាគបួននៃចំនួនសហគ្រាសចិននៅបរទេសសរុប ។ នៅឆ្នាំ២០២១ ការវិនិយោគផ្ទាល់របស់ប្រទេសចិននៅក្នុងបណ្តាប្រទេសនៅតាម"ខ្សែក្រវាត់និងផ្លូវ"បានកើនឡើងដល់២ម៉ឺន៤ពាន់១រយ៥០លានដុល្លារអាមេរិក ដែលបំបែកកំណត់ត្រាថ្មីក្នុងប្រវត្តិសាស្ត្រ។
