យោងតាមដំណឹងនៃការិយាល័យវិស្វកម្មយានអវកាសផ្ទុកមនុស្សចិនឱ្យដឹងថា វេលាម៉ោង៩និង៣២នាទី ថ្ងៃទី ៣ ខែវិច្ឆិកា ឆ្នាំ ២០២២ តាមម៉ោងទីក្រុងប៉េកាំង បន្ទប់ពិសោធន៍ Mengtian នៃស្ថានីយអវកាសចិនបានបញ្ចប់ផ្លាស់ទីតាំងទិសដោយជោគជ័យ ។ នៅរសៀលថ្ងៃដដែល ក្រុមអវកាសយានិក Shenzhou -14 បានចូលទៅក្នុងបន្ទប់ពិសោធន៍ Mengtian ។
ការបញ្ចប់ការផ្លាស់ទីតាំងទិសនៃបន្ទប់ពិសោធន៍ Mengtianដោយជោគជ័យជាសញ្ញាកត់សម្គាល់ថា ស្ថានីយអវកាសចិនដែលមានសណ្ឋានដូចជាអក្សរ “T” ត្រូវបានដំឡើងនៅតាមគន្លងតារាវិថីរួចហើយដែលបានបោះជំហានសំខាន់ឆ្ពោះទៅរកគោលដៅនៃការសាងសង់ស្ថានីយអវកាសចិន។ យោងតាមផែនការគ្រោងទុក នឹងអនុវត្តការធ្វើតេស្តនិងវាយតម្លៃមុខងារជាមូលដ្ឋាននៃស្ថានីយអវកាសចិនដែលត្រូវបានចាត់តាំងឡើង។