យោងតាមលទ្ធផលនៃការស្ទង់ប្រជាមតិថ្មីបំផុតដែលប្រកាសដោយទីភ្នាក់ងារសារព័ត៌មាន
Kyodo និងប្រព័ន្ធសារព័ត៌មានសេដ្ឋកិច្ចជប៉ុនកាលពីថ្ងៃទី១៨ខែកញ្ញាបានឱ្យដឹងថា អត្រាគាំទ្រចំពោះគណៈរដ្ឋមន្រ្តីដែលដឹកនាំដោយលោក Fumio Kishida នាយករដ្ឋមន្រ្តីជប៉ុនបានធ្លាក់ចុះដល់កម្រិតទាបបំផុតម្តងទៀត ហើយអត្រាមិនគាំទ្របានលើសពីអត្រាគាំទ្រជាលើកដំបូង។
យោងតាមការស្ទង់ប្រជាមតិដែលធ្វើឡើងនៅថ្ងៃទី១៧និងថ្ងៃទី១៨ខែកញ្ញានៃទីភ្នាក់ងារសារព័ត៌មាន Kyodo បានឱ្យដឹងថា អត្រាគាំទ្រចំពោះគណៈរដ្ឋមន្រ្តីដែលដឹកនាំដោយលោក Fumio Kishida បានធ្លាក់ចុះដល់កម្រិតទាបបំផុតពោលគឺ៤០.២% ហើយអត្រាមិនគាំទ្របានលើសពីអត្រាគាំទ្រជាលើកដំបូងគឺរហូតដល់៤៦.៥% ។ ប្រជាមតិរួមដែលធ្វើឡើងដោយប្រព័ន្ធសារព័ត៌មានសេដ្ឋកិច្ចជប៉ុននិងស្ថានីយទូរទស្សន៍TOKYOចាប់ពីថ្ងៃទី១៦ដល់ថ្ងៃទី១៨ខែកញ្ញាបានបង្ហាញថា អត្រាគាំទ្រចំពោះគណៈរដ្ឋមន្រ្តីដែលដឹកនាំដោយលោក Fumio Kishida បានធ្លាក់ចុះដល់៤៣% អត្រាមិនគាំទ្របានកើនឡើងដល់៤៦% អត្រាមិនគាំទ្រក៏លើសពីអត្រាគាំទ្រជាលើកដំបូងដូចគ្នា៕