នារសៀលថ្ងៃទី២៥ខែឧសភា មហាសន្និបាតប្រចាំឆ្នាំនៃសភាតំណាងប្រជាជនទូទាំងប្រទេសចិនដែលកំពុងបើកធ្វើនៅក្រុងប៉េកាំងបានធ្វើកិច្ចប្រជុំពេញអង្គលើកទី២ ដើម្បីស្តាប់របាយការណ៍ការងារនៃគណៈកម្មាធិការអចិន្ត្រៃយ៍នៃសភាតំណាងប្រជាជន។ របាយការណ៍មួយនេះត្រូវបានចាត់ទុកជាសមិទ្ធផលខាងនីតិប្បញ្ញត្តិនិងផែនការតាកក់តែងច្បាប់ប្រចាំឆ្នាំរបស់ប្រទេសចិនបានបញ្ជាក់ពីមូលហេតុនៃការទា់តែងសេចក្តីព្រាងច្បាប់សន្តិសុខជាតិពាក់ព័ន្ធនឹងតំបន់រដ្ឋបាលពិសេសហុងកុងដែលមជ្ឍដ្ឋានខាងក្រៅផ្តោតការយកចិត្តទុកដាក់យ៉ាងខ្លាំង ហើយបានប្រកាសពីការប្តេជ្ញាចិត្តនិងគោលជំហររបស់ស្ថាប័ននីតិប្បញ្ញត្តិចិនក្នុងការគ្រប់គ្រងហុងកុងតាមផ្លូវច្បាប់។ មតិសាធារណៈបានសម្គាល់ឃើញជាទូទៅថា ទង្វើនេះនឹងដោះស្រាយភាពជាប់គាំងរបស់ហុងកុងតាមផ្លូវច្បាប់ ដោយកែប្រែសភាពការណ៍កង្វះច្បាប់គ្រប់គ្រងវិស័យសន្តិសុខជាតិនៅហុងកុង។
លោកលីចាន់ស៊ូប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនបានថ្លែងថា ប្រការនេះ គឺជាវិធានការដ៏សំខាន់សម្រាប់ប្រកាន់ខ្ជាប់និងធ្វើឱ្យមានសុក្រឹតភាពនូវគោលនយោបាយប្រទេសមួយប្រព័ន្ធគ្រប់គ្រងពីរ ប្រកាន់ខ្ជាប់នូវការគ្រប់គ្រងហុងកុងតាមផ្លូវច្បាប់ គាំពាររដ្ឋធម្មនុញ្ញនិងសណ្តាប់ធ្នាប់នៃតំបន់រដ្ឋបាលពិសេសដែលកំណត់ក្នុងច្បាប់មូលដ្ឋាន វាសមស្របនឹងផលប្រយោជន៍ជាមូលដ្ឋានរបស់បងប្អូនជនរួមជាតិហុងកុង ក្នុងនោះបូលរួមទាំងប្រជាជនទាំងឡាយផង ហើយវាក៏នឹងផ្តល់ការធានាខាងផ្លូវច្បាប់កាន់តែខ្លាំងក្លាសម្រាប់ការគាំពារអធិបតេយ្យភាពជាតិ សន្តិសុខជាតិ ផលប្រយោជន៍នៃការអភិវឌ្ឍរបស់ជាតិ ក៏ដូចជាធានាវិបុលភាព និងស្ថិរភាពរបស់តំបន់រដ្ឋបាលពិសេសហុងកុងក្នុងរយៈពេលយូរផងដែរ៕
