ថ្ងៃទី ២៦ ខែមេសា លោកស៊ី ជីនភីង ប្រមុខដឹកនាំកំពូលចិនបានលើកឡើងថា ប្រទេសចិននឹងបង្កើនការសម្របសម្រួលផ្នែកគោលនយោបាយម៉ាក្រូជាមួយអង្គភាពសេដ្ឋកិច្ចសំខាន់ៗលើពិភពលោក ដើម្បីរួមគ្នាជំរុញសេដ្ឋកិច្ចពិភពលោកឲ្យកើនឡើងប្រកបដោយខ្លាំងក្លា និរន្តរភាព តុល្យភាព និងបរិយាប័ន្ន ។
លោកស៊ី ជីនភីងបានថ្លែងថា ប្រទេសចិនមិនធ្វើការបន្ទាបអត្រាប្តូរប្រាក់ដែលនឹងបង្ខូចផលប្រយោជន៍របស់ប្រទេសជិតខាង នឹងធ្វើឲ្យមានភាពកាន់តែល្អពេញលេញនូវយន្តការអត្រាប្តូរប្រាក់យាន់ចិន ធ្វើឲ្យទីផ្សារអាចដើរតួនាទីជាសម្រេចក្នុងការចាត់ចែងធនធាន ធ្វើឲ្យអត្រាប្តូរប្រាក់យាន់ចិនរក្សាភាពនឹងនរជាមូលដ្ឋានក្នុងកម្រិតសមហេតុផលនិងមានតុល្យភាព សំដៅជំរុញវិស័យសេដ្ឋកិច្ចពិភពលោកមានស្ថិរភាព ។ ប្រទេសចិនគាំទ្រនិងចូលរួមយ៉ាងសកម្មនូវកំណែទម្រង់នៃអង្គការពាណិជ្ជកម្មពិភពលោក និងរួមគ្នាបង្កើតបទដ្ឋានសេដ្ឋកិច្ចនិងពាណិជ្ជកម្មអន្តរជាតិដែលមានកម្រិតកាន់តែខ្ពស់ ៕