ក្នុងឋានៈជាប្រទេសធំទី១នៅក្រៅតំបន់អាស៊ីអាគ្នេយ៍ ប្រទេសចិនបានចូលរួមសនិ្ធសញ្ញាសហប្រតិបត្តិការដោយមេត្រីនៅអាស៊ីអាគ្នេយ៍នាខែតុលាឆ្នាំ២០០៣ ព្រមទាំងបានបង្កើតទំនាក់ទំនងភាពជាដៃគូយុទ្ធសាស្រ្តជាមួយសម្ព័ន្ធអាស៊ានទៀតផង។រយៈពេល១០ឆ្នាំបន្ទាប់ពីនោះត្រូវគេហៅថាជាទសវត្សរ៍សុវណ្ណ៉នៃកិច្ចសហប្រតិបត្តិការរវាងចិននិងអាស៊ាន។ក្នុងអំឡុងពេលនោះ ការជឿទុកចិត្តគ្នាខាងនយោបាយរបស់ភាគីទាំងពីរត្រូវបានពង្រឹងឥតឈប់ឈរ កិច្ចសហប្រតិបត្តិការជាក់ស្តែងផ្នែកសេដ្ឋកិច្ចនិងពាណិជ្ជកម្មនិងលើវិស័យផ្សេងទៀតបានឡើងដល់កម្រិតថ្មីមួយហើយមួយទៀត។ បច្ចុប្បន្ន ប្រទេសចិនគឺជាប្រទេសដៃគូមួយក្នុងចំណោមប្រទេសដែលបានបង្កើតយន្តការសហប្រតិបត្តិការច្រើនជាងគេជាមួយអាស៊ាន។
នៅខែតុលាឆ្នាំ២០១៣ លោកស៊ីជីនភីងប្រធានរដ្ឋចិនបានអញ្ជើញទៅបំពេញទស្សនកិច្ចនៅប្រទេសអាស៊ីអាគ្នេយ៍មួយចំនួន និងបានលើកឡើងថា ចិននឹងចាប់ដៃគ្នាជាមួយអាស៊ានដើម្បីរួមគ្នាកសាងសហគមន៍ជោគេវាសនាតែមួយរវាងចិននិងអាស៊ានដែលមានភាពកាន់តែស្អិតល្មួត។នៅខែដដែលនោះ លោកនាយករដ្ឋមន្រ្តីចិនលីខឺឈាំងបានលើកឡើងនូវក្របខ័ណ្ឌកិច្ចសហប្រតិបត្តិការ២បូក៧រវាងចិននិងអាស៊ានក្នុង១០ឆ្នាំនាពេលអនាគត ពោលគឺឈរលើមូលដ្ឋានមតិឯកភាព២ចំណុចគឺធ្វើឲ្យការជឿទុកចិត្តគ្នាខាងយុទ្ធសាស្ត្រកាន់តែស៊ីជម្រៅនិងយកចិត្តទុកដាក់ដល់ការអភិវឌ្ឍន៍សេដ្ឋកិច្ច ជំរុញដល់កិច្ចសហប្រតិបត្តិការលើ៧វិស័យគឺនយោបាយ សេដ្ឋកិច្ចនិងពាណិជ្ជកម្ម ការតភ្ជាប់គ្នា ហិរញ្ញវត្ថុ កិច្ចសហប្រតិបត្តិការលើសមុទ្រ សន្តិសុខនិងមនុស្សសាស្រ្ត។ក្នុងសន្និសីទរដ្ឋមន្រ្តីការបរទេសរវាងចិននិងអាស៊ានដែលធ្វើនៅខែសីហាឆ្នាំនេះ ភាគីចិនបានផ្តួចផ្តើមគំនិតអំពីកិច្ចសហប្រតិបត្តិការជាក់ស្តែងចំនួន១២ផ្នែកលើវិស័យនយោបាយ តំបន់និងលើសមុទ្រ។ គំនិតផ្តួចផ្តើមដ៏ធំនិងសំខាន់ទាំងនេះគឺធ្វើឡើងក្នុងគោលបំណងធ្វើឲ្យលទ្ធផលនៃទសវត្សរ៍សុវណ្ណរវាងចិននិងអាស៊ានកាន់តែស៊ីជម្រៅ ជំរុញការកសាងទំនុកចិត្តនិងកិច្ចសហប្រតិបត្តិការគ្នារបស់ភាគីទាំងពីរឲ្យឡើងដល់កម្រិតថ្មីមួយ ហើយរួមគ្នាបង្កបង្កើតទសវត្សរ៍ពេជ្រសម្រាប់ទំនាក់ទំនងទ្វេភាគី។
