នៅព្រឹកព្រលឹមថ្ងៃទី២៤ខែវិច្ឆិកា  មហាសន្និបាតនៃភាគីហត្ថលេខីនៃ《អនុសញ្ញាក្របខ័ណ្ឌសហប្រជាជាតិស្តីពីបម្រែបម្រួលអាកាសធាតុលើកទី២៩》(ហៅកាត់COP29)បានបិទបញ្ចប់។មហាសន្និបាតបានឈានដល់សមិទ្ធផលដែលមានតុល្យភាពមួយចំនួនដែលហៅថា"កិច្ចសន្យាស្តីពីសាមគ្គីភាពនៃអាកាសធាតុបាគូ"លើប្រធានបទសំខាន់ៗ ដូចជាគោលដៅបរិមាណសមូហភាពថ្មីស្តីពីហិរញ្ញវត្ថុអាកាសធាតុ(NCQG)និងយន្តការទីផ្សារកាបូនអន្តរជាតិជាដើមដែលចែងក្នុងមាត្រាទី៦នៃ《កិច្ចព្រមព្រៀងទីក្រុងប៉ារីស》។

       លោកZhao Yingminប្រធានគណៈប្រតិភូចិននៃCOP29និងជាអនុរដ្ឋមន្ត្រីក្រសួងបរិស្ថាននិងអេកូឡូស៊ីនៃប្រទេសចិនបានគូសបញ្ជាក់នៅពេលថ្លែងសុន្ទរកថានៅក្នុងពិធីបិទបញ្ចប់កិច្ចប្រជុំថា "ដំណើរអភិបាលកិច្ចអនុសញ្ញាស្តីពីអាកាសធាតុរយៈពេល៣០ឆ្នាំបានឆ្លងកាត់ការសាកល្បងហើយ  ទោះបីជាមិនសូវមានភាពរលូន  តែនៅតែឆ្ពោះទៅមុខ។ មនុស្សជាតិគឺជាសហគមន៍រួមវាសនា  នៅពេលប្រឈមមុខនឹងវិបត្តិអាកាសធាតុ  យើងត្រូវសាមគ្គីគ្នានិងឆ្លើយតបជាមួយគ្នា។ "

      លោកGuterres  អគ្គលេខាធិការអង្គការសហប្រជាជាតិបានលើកឡើងថា សមិទ្ធផលនៃCOP29គឺទទួលបានក្នុង"បរិបទដែលភូមិសាស្ត្រនយោបាយពោរពេញទៅដោយភាពមិនប្រាកដប្រជានិងបែកខ្ញែកគ្នា"។ កិច្ចខិតខំប្រឹងប្រែងដែលរំលេចឡើងដោយភាគីហត្ថលេខីនានាក្នុងការស្វែងរកចំណុចដូចគ្នាបានបញ្ជាក់ថា " ពហុភាគីនិយមដែលមាន《កិច្ចព្រមព្រៀងប៉ារីស》ជាស្នូលអាចស្វែងរកដំណោះស្រាយនូវបញ្ហាលំបាកបំផុត"៕