វេទិកាធនាគារគំនិតជាន់ខ្ពស់ស្តីពីអភិបាលកិច្ចប្រទេសកំពុងអភិវឌ្ឍន៍លើកទី៥បានបើកធ្វើនៅក្រុងប៉េកាំងប្រទេសចិនកាលពីថ្ងៃទី ២២ ខែវិច្ឆិកា ក្រោមប្រធានបទ “ពួតដៃគ្នាជំរុញបុព្វហេតុធ្វើទំនើបកម្មសកលខាងត្បូង”។ អ្នកជំនាញនិងបញ្ញវន្តចិននិងបរទេសបានធ្វើការពិគ្រោះពិភាក្សាយ៉ាងស៊ីជម្រៅ។
អ្នកជំនាញនិងបញ្ញវន្តចិននិងបរទេសបានសម្គាល់ឃើញថា ប្រទេសសកលខាងត្បូងបានដើរតួនាទីកាន់តែសំខាន់ឡើងៗក្នុងការជំរុញសន្តិភាពពិភពលោក និងកិច្ចសហប្រតិបត្តិការដើម្បីឆ្លើយតបនឹងបញ្ហាប្រឈមជាសកល ។ បច្ចុប្បន្ន សន្តិភាពនិងការអភិវឌ្ឍនៃពិភពលោកនៅតែប្រឈមមុខនឹងបញ្ហាប្រឈមយ៉ាងធ្ងន់ធ្ងរ ប្រទេសសកលខាងត្បូងគួរតែពួតដៃគ្នាឆ្ពោះទៅមុខដោយប្រកាន់អាកប្បកិរិយាកាន់តែបើកទូលាយនិងប្រកបដោយបរិយាបន្ន ប្រកាន់ខ្ជាប់នូវការរួមគ្នាកសាងសន្តិភាព រួមគ្នាជំរុញការអភិវឌ្ឍ រួមគ្នាស្វែងរកវឌ្ឍនភាព រួមគ្នាពិគ្រោះពិភាក្សានិងកិច្ចសហប្រតិបត្តិការ ដើរនៅជួរមុខក្នុងការជំរុញការកសាងសហគមន៍រួមវាសនានៃមនុស្សជាតិ រ៉ាប់រងទំនួលខុសត្រូវនៃសន្តិភាពពិភពលោកនិងការអភិវឌ្ឍរួម ដើម្បីរួមគ្នាបង្កើតអនាគតកាន់តែល្អបវរសម្រាប់សង្គមមនុស្សជាតិ ៕
