ថ្ងៃទី២១  ខែវិច្ឆិកា លោក Lin Jian  អ្នកនាំពាក្យក្រសួងការបរទេសចិនបានរៀបចំធ្វើសន្និសីទសារព័ត៌មានជាប្រចាំ។ មានអ្នកយកព័ត៌មានបានសួរថា លោក Buchanan តំណាងជាន់ខ្ពស់នៃទីបញ្ជាការយុទ្ធសាស្ត្រអាមេរិក បាននិយាយនៅថ្ងៃទី ២១  ខែវិច្ឆិកាថា សហរដ្ឋអាមេរិកមិនចង់ឃើញមានសង្គ្រាមនុយក្លេអ៊ែរទេ ប៉ុន្តែក្នុងករណីកើតមានការវាយប្រហារដោយនុយក្លេអ៊ែរ នោះសហរដ្ឋអាមេរិកសង្ឃឹមថានឹងរក្សាទុកឃ្លាំងអាវុធនុយក្លេអ៊ែរមួយចំនួនរបស់ខ្លួន ដើម្បីកំញើញគូប្រជែងដែលអាចនឹងបង្កការគំរាមកំហែងនាពេលអនាគត។ តើភាគីចិនមានការវាយតម្លៃយ៉ាងណាចំពោះរឿងនេះ?

លោក Lin Jian បានថ្លែងថា សហរដ្ឋអាមេរិកបានដំឡើងកម្លាំងនុយក្លេអ៊ែររបស់ខ្លួនជាបន្តបន្ទាប់ក្នុងប៉ុន្មានឆ្នាំចុងក្រោយនេះ ព្រមទាំងបង្កើនតួនាទីអាវុធនុយក្លេអ៊ែរនៅក្នុងគោលនយោបាយសន្តិសុខជាតិ និងពង្រឹងការរៀបចំ "ការចែករំលែកនុយក្លេអ៊ែរ" និង "ពង្រីកកម្លាំងកំញ្ញើស " ជាមួយសម្ព័ន្ធមិត្តរបស់ខ្លួន។ សហរដ្ឋអាមេរិកគួររ៉ាប់រងជាក់ស្តែងនូវទំនួលខុសត្រូវជាអាទិភាពពិសេសរបស់ខ្លួនស្តីពីការកាត់បន្ថយសញ្វវុធនុយក្លេអ៊ែរ  ដើម្បីកាត់បន្ថយចំនួនអាវុធនុយក្លេអ៊ែរយ៉ាងពិតប្រាកដនិងបង្កលក្ខខណ្ឌសម្រាប់ការកាត់បន្ថយសញ្វវុធនុយក្លេអ៊ែរទាំងស្រុងនៅទីបំផុត  ដ៏ដូចជាធ្វើកិច្ចខិតខំប្រឹងប្រែងដើម្បីកាត់បន្ថយហានិភ័យជាយុទ្ធសាស្ត្រ និងគាំពារសន្តិភាព និងស្ថិរភាពក្នុងតំបន់៕