លោក He Lifeng សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជាឧបនាយករដ្ឋមន្រ្តីនៃក្រុមប្រឹក្សាកិច្ចការកិច្ចការរដ្ឋចិនបានថ្លែងក្នុងខណៈពេលជួបពិភាក្សាការងារជាមួយលោកស្រីJane Fraser ប្រធាននាយកប្រតិបត្តិនៃក្រុមហ៊ុនCitigroupសហរដ្ឋអាមេរិកនៅវិមានសភាប្រជាជនក្រុងប៉េកាំងកាលពីយប់ថ្ងៃទី២១ខែវិច្ឆិកា ថា ប្រទេសចិនកំពុងអនុវត្តដោយគ្រប់ជ្រុងជ្រោយនូវស្មារតីសន្និសិទពេញអង្គលើកទី៣នៃគណៈកម្មាធិការមជ្ឈិមបក្សកុម្មុយនីស្តនីចិនអាណត្តិទី២០ ដើម្បីធ្វើឱ្យស៊ីជម្រៅបន្ថែមទៀតនូវកំណែទម្រង់ប្រព័ន្ធហិរញ្ញវត្ថុ បន្តពង្រីកការបើកទូលាយទៅវិញទៅមកកម្រិតខ្ពស់ខាងហិរញ្ញវត្ថុ ស្វាគមន៍ស្ថាប័នហិរញ្ញវត្ថុបរទេសនិងអ្នកវិនិយោគរយៈពេលវែងកាន់តែច្រើនក្នុងនោះបូករួមទាំងក្រុមហ៊ុនCitigroupផង មកធ្វើវិនិយោគនៅប្រទេសចិន ដើម្បីចូលរួមការកសាងទីផ្សារហិរញ្ញវត្ថុចិននិងចែករំលែកកាលានុវត្តភាពនៃការអភិវឌ្ឍរបស់ប្រទេសចិន។

ជាការឆ្លើយតប លោកស្រីJane Fraser បានថ្លែងថា ក្រុមហ៊ុនCitigroup មានសុទិដ្ឋិនិយមចំពោះអនាគតនៃការអភិវឌ្ឍសេដ្ឋកិច្ចនិងទីផ្សារហិរញ្ញវត្ថុរបស់ប្រទេសចិន រីករាយធ្វើអជីវកម្មក្នុងទីផ្សារចិន ដើម្បីរួមចំណែកដល់ការជំរុញកិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងសហរដ្ឋអាមេរិកនិងចិន ក៏ដូចជាការគាំពារការអភិវឌ្ឍប្រកបដោយភាពល្អប្រសើរនៃសេដ្ឋកិច្ចសកល៕