ក្នុងសន្និសីទកាសែតជាប្រចាំរបស់ក្រសួងការបរទេសចិនដែលបើកធ្វើនៅថ្ងៃទី២០ ខែវិច្ឆិកា មានអ្នកសារព័ត៌មានបានសួរថា ថ្មីៗនេះ លោកប្រធានរដ្ឋចិន Xi Jinping បានលើកឡើងនូវ “គំនិតផ្តួចផ្តើមស្តីពីកិច្ចសហប្រតិបត្តិការផ្នែកលំហូរទិន្នន័យឆ្លងដែនជាសកល” នៅក្នុងកិច្ចប្រជុំក្រៅផ្លូវការលើកទី៣១របស់ថ្នាក់ដឹកនាំអង្គការ APEC។ ប្រទេសចិនបានចេញផ្សាយជាផ្លូវការនូវអត្ថបទនៃគំនិតផ្តួចផ្តើមនេះនៅក្នុងកិច្ចប្រជុំកំពូល Wuzhen នៃសន្និបាតបណ្តាញអ៊ីនធើណែតពិភពលោកឆ្នាំ២០២៤ ។ តើក្រសួងការបរទេសចិនមានការអធិប្បាយយ៉ាងណាចំពោះរឿងនេះ?

      លោក Lin Jian អ្នកនាំពាក្យក្រសួងការបរទេសចិនបានថ្លែងថា ប្រទេសចិនបានចេញផ្សាយ "គំនិតផ្តួចផ្តើមស្តីពីកិច្ចសហប្រតិបត្តិការផ្នែកលំហូរទិន្នន័យឆ្លងដែនជាសកល" ដែលបានស្នើឱ្យមានដំណោះស្រាយជាលក្ខណៈស្ថាបនាចំពោះបញ្ហាអភិបាលកិច្ចនៃលំហូរទិន្នន័យឆ្លងដែន ដែលជាកង្វល់ទូទៅសម្រាប់ភាគីទាំងអស់ ដោយប្រកាន់ខ្ជាប់នូវគោលការណ៍បើកចំហ បរិយាបន្ន សន្តិសុខ កិច្ចសហប្រតិបត្តិការ និងមិនរើសអើង ក្នុងន័យជំរុញការបង្កើតនិម្មាបនកម្មកិច្ចសហប្រតិបត្តិការអន្តរជាតិស្តីពីលំហូរទិន្នន័យឆ្លងដែនដែលបើកចំហ និងឈ្នះឈ្នះ និងជំរុញប្រសិទ្ធភាព ភាពងាយស្រួល និងសុវត្ថិភាពនៃលំហូរទិន្នន័យឆ្លងដែន ៕