ថ្ងៃទី ២០ ខែវិច្ឆិកា  សហរដ្ឋអាមេរិកបោះឆ្នោតវេតូម្តងទៀតក្នុងការបោះឆ្នោតសម្រេចចិត្តលើសេចក្តីព្រាងច្បាប់ដែលអំពាវនាវឱ្យមានការបទឈប់បាញ់នៅតំបន់ហ្កាហ្សាប៉ាឡេស្ទីននៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ។

   នៅថ្ងៃដដែល ក្រុមប្រឹក្សាសន្តិសុខបានរៀបចំការបោះឆ្នោតលើសេចក្តីព្រាងច្បាប់ដែលស្នើឡើងដោយសមាជិកមិនអចិន្ត្រៃយ៍ចំនួន ១០ សេចក្តីព្រាងច្បាប់បានអំពាវនាវឱ្យមានការបទឈប់បាញ់ជាបន្ទាន់ និងគ្មានលក្ខខណ្ឌនៅក្នុងតំបន់ហ្កាហ្សា និងដោះលែងជាបន្ទាន់នូវចំណាប់ខ្មាំងទាំងអស់។ សមាជិកចំនួន ១៤ ក្នុងចំណោម ១៥ នៃក្រុមប្រឹក្សាសន្តិសុខបានបោះឆ្នោតគាំទ្រ តែសហរដ្ឋអាមេរិកដែលជាសមាជិកអចិន្ត្រៃយ៍នៃក្រុមប្រឹក្សាសន្តិសុខបានប្រើសិទ្ធិវេតូ ជាលទ្ធផល   សេចក្តីព្រាងច្បាប់នេះមិនត្រូវបានអនុម័តនោះទេ។

លោក   Fu Cong តំណាងអចិន្ត្រៃយ៍របស់ប្រទេសចិនប្រចាំអង្គការសហប្រជាជាតិបានថ្លែងសុន្ទរកថាជាលក្ខណៈស្រាយពន្យល់បន្ទាប់ពីការបោះឆ្នោតរបស់ក្រុមប្រឹក្សាសន្តិសុខថា   ប្រទេសចិនខកចិត្តយ៉ាងខ្លាំងចំពោះលទ្ធផលបោះឆ្នោតនេះ។ ការប្រើប្រាស់សិទ្ធិវេទូផ្តាច់មុខរបស់សហរដ្ឋអាមេរិកបានធ្វើឱ្យប្រជាជននៅតំបន់ហ្កាហ្សាបាត់បង់ឱកាសនៃការរស់រានមានជីវិត ហើយបានរុញច្រានពួកគេឱ្យធ្លាក់ចូលទៅក្នុងភាពខ្មៅងងឹត និងភាពអស់សង្ឃឹមខ្លាំង៕