លោកស្រី Mao Ning អ្នកនាំពាក្យក្រសួងការបរទេសចិនបានប្រកាសថា៖តបតាមការអញ្ជើញរបស់លោក Gan Kim Yong ឧបនាយករដ្ឋមន្ត្រីសិង្ហបុរី លោក Ding Xuexiang សមាជិកអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជាឧបនាយករដ្ឋមន្ត្រីចិននឹងបំពេញទស្សនកិច្ចនៅប្រទេសសិង្ហបុរីព្រមទាំងធ្វើជាសហអធិបតីក្នុងកិច្ចប្រជុំលើកទី ២០ នៃគណៈកម្មាធិការចម្រុះនៃកិច្ចសហប្រតិបត្តិការទ្វេភាគីចិន-សិង្ហបុរីជាមួយលោក Gan Kim Yong ឧបនាយករដ្ឋមន្ត្រីសិង្ហបុរីចាប់ពីថ្ងៃទី ១០ ដល់ទី ១១ ខែវិច្ឆិកាខាងមុខនេះ ។

    ដោយឡែកតបតាមការអញ្ជើញរបស់លោក Ilham Heydar oglu Aliyev ប្រធានាធិបតីអាស៊ែបៃហ្សង់ លោក Ding Xuexiang តំណាងពិសេសរបស់លោកប្រធានរដ្ឋចិន Xi Jinping សមាជិកអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជាឧបនាយករដ្ឋមន្ត្រីចិននឹងធ្វើដំណើរទៅកាន់ប្រទេសអាស៊ែបៃហ្សង់ដើម្បីចូលរួមកិច្ចប្រជុំកំពូលស្តីពីប្រតិបតិ្តការអាកាសធាតុរបស់ថ្នាក់ដឹកនាំសកលព្រមទាំងបំពេញទស្សនកិច្ចនៅប្រទេសអាស៊ែបៃហ្សង់តបតាមការអញ្ជើញរបស់លោក Sahin Mustafayev ឧបនាយករដ្ឋមន្ត្រីអាស៊ែបៃហ្សង់ចាប់ពីថ្ងៃទី ១២ ដល់ថ្ងៃទី ១៣ ខែវិច្ឆិកាខាងមុខនេះ ៕