ក្នុងសនិ្នសីទសារព័ត៌មានជាប្រចាំអំពីគោលនយោបាយរបស់ក្រុមប្រឹក្សាកិច្ចការរដ្ឋចិនដែលរៀបចំធ្វើនៅថ្ងៃទី៦ ខែវិច្ឆិកា  លោកស្រី Yang Xundong អគ្គនាយកនៃអគ្គនាយកដ្ឋានសេ្ឋកិច្ចនិងកីឡានៃរដ្ឋបាលជាតិកីឡាចិនបានធ្វើការបកស្រាយអំពី «សេចកី្តណែនាំមួយចំនួនស្តីពីកាបំផុសកម្លាំងចលករនៃសេដ្ឋកិច្ចព្រិលទឹកកក តាមរយៈការអភិវឌ្ឍកីឡាព្រិលទឹកកកប្រកបដោយកម្រិតខ្ពស់» ដែលការិយាល័យក្រុមប្រឹក្សាកិច្ចការរដ្ឋចិនបានបោះពុម្ពផ្សាយនាពេលថ្មីៗកន្លងទៅនេះ ។

        លោកស្រី Yang Xundong បានធ្វើបទបង្ហាញថា ការប្រកួតកីឡារដូវរងាទូទាំងប្រទេសចិនលើកទី១៤ ដែលរៀបចំធ្វើនៅដើមឆ្នាំនេះ បានដើរតួនាទីជំរុញយ៉ាងខ្លាំងក្លាដល់ការប្រើប្រាស់ផ្នែកវិស័យកីឡា តាមការប៉ាន់ប្រមាណ ក្នុងអំឡុងការប្រកួត ក្រុង Hulun Buir ទទួលបានអ្នកទេសចរសរុបចំនួន១៧សែន ៧ម៉ឺន៤ពាន់នាក់ ការប្រើប្រាស់ខាងវិស័យកីឡានិងវិស័យផ្សេងទៀតមានទំហំសរុប៣២ប៊ីលានយាន់ប្រាក់ចិន ។

        ទាក់ទិននឹងការអភិវឌ្ឍនៃការសម្តែងនិងការប្រកួតនៃវិញ្ញាសាលើព្រិលទឹកកក លោកស្រី Yang Xundong បានថ្លែងថា នៅជំហានក្រោយ នឹងគិតពិចារណាជាសំខាន់អំពីវិស័យចំនួនបី ទីមួយគឺបង្កើនការគាំទ្រដល់ការប្រកួតនៃវិញ្ញាសាលើព្រិលទឹកកកកម្រិតខ្ពស់ លើកទឹកចិត្តឱ្យតំបន់នានារៀបចំឬស្នើសុំរៀបចំការប្រកួតនៃវិញ្ញាសាលើព្រិលទឹកកក តាមលក្ខខណ្ឌរៀងៗខ្លួន ។ ទីពីរ គឺជំរុញការអភិវឌ្ឍដោយរួមបញ្ចូលគ្នារវាងការប្រកួតនិងមុខរបរពាក់ព័ន្ធ ។ ទីបី គឺបង្កបរិយាកាសប្រកបដោយសុក្រឹតភាពសម្រាប់ការអភិវឌ្ឍការប្រកួតនៃវិញ្ញាសាលើព្រិលទឹកកក ៕