យានអវកាស Shenzhou-១៩ ត្រូវបានបាញ់បង្ហោះដោយជោគជ័យនៅវេលាម៉ោង ៤:២៧ ថ្ងៃទី ៣០ ខែតុលា  ដោយបានបញ្ជូនអវកាសយានិក ៣ រូប គឺលោក Cai Xuzhe, លោក Song Lingdong និងអ្នកនាង Wang Haoze ចូលទៅក្នុងលំហអវកាសដោយជោគជ័យ។

នៅវេលាម៉ោង ១១ ព្រឹកថ្ងៃដដែលនោះ  យានអវកាស Shenzhou-១៩  និងស្ថានីយអវកាសរបស់ចិនបានតភ្ជាប់គ្នាដោយស្វ័យប្រវិត្តនិងឆាប់រហ័ស ហើយអវកាសយានិកទាំងពីរក្រុមបានជួបជុំគ្នាក្នុងលំហអវកាស  នេះជាការជួបជុំគ្នាក្នុងអវកាសលើកទី ៥  ក្នុងប្រវត្តិសាស្ត្រយានអវកាសផ្ទុកមនុស្សរបស់ប្រទេសចិន។

បន្ទាប់មក អវកាសយានិកទាំង ៦ រូបនឹងធ្វើការនិងរស់នៅជាមួយគ្នានៅក្នុងស្ថានីយអវកាសរយៈពេលប្រហែល ៥ ថ្ងៃ  ហើយផ្លាស់វេននៅលើគន្លងតារាវិថី ។