អង្គភាពពាណិជ្ជកម្ម និងការអភិវឌ្ឍអង្គការសហប្រជាជាតិបានចេញផ្សាយរបាយការណ៍កាលពីថ្ងៃទី ២៩ខែតុលាថា តាមការប៉ាន់ប្រមាណ សេដ្ឋកិច្ចពិភពលោកនឹងកើនឡើង ២.៧% នៅក្នុងឆ្នាំ ២០២៤ និង ២០២៥។ បញ្ហាប្រឈមដូចជាកំណើនយឺត ការវិនិយោគ និងពាណិជ្ជកម្មមានភាពទន់ខ្សោយកំពុងពង្រីកគម្លាតនៃការអភិវឌ្ឍ រវាងបណ្តាប្រទេសនានា ដូច្នេះគួរតែគិតពិចារណាឡើងវិញអំពីយុទ្ធសាស្ត្រអភិវឌ្ឍន៍សកល។
អង្គភាពពាណិជ្ជកម្ម និងការអភិវឌ្ឍអង្គការសហប្រជាជាតិបានលើកឡើងនៅក្នុង "របាយការណ៍ស្តីពីពាណិជ្ជកម្ម និងការអភិវឌ្ឍឆ្នាំ ២០២៤" ដែលចេញផ្សាយនៅថ្ងៃដដែលនោះថា ការប៉ាន់ប្រមាណចំពោះអត្រាកំណើនសេដ្ឋកិច្ចពិភពលោកនៅឆ្នាំនេះ និងឆ្នាំក្រោយ នឹងទាបជាងអត្រាកំណើន ជាមធ្យម ប្រចាំឆ្នាំចំនួន៣.០% ក្នុងចន្លោះពីឆ្នាំ ២០០១ និង ២០១៩។ ប្រទេសកំពុងអភិវឌ្ឍន៍ប្រឈមមុខនឹងជម្រើសដ៏លំបាកផ្នែកគោលនយោបាយ ដោយសារតែវិបត្តិជាច្រើន បូករួមទាំងតម្លៃថាមពលខ្ពស់ និងការកើនឡើងនៃគាំពារនិយម៕
