ពេលថ្មីៗនេះ ក្រុមបេសកកម្មសិក្សាស្រាវជ្រាវខាងវិទ្យាសាស្ត្រពហុវិស័យឈ្មោះ "ធ្វើដំណើរនៅប៉ូលខាងលិចរបស់ប្រទេសចិន ឆ្លងកាត់ភ្នំ Kunlun និងTianshan" បានធ្វើការពិនិត្យអង្កេតអស់រយៈពេល ៨ ថ្ងៃចំពោះវិកិណ្ណដ្ឋានភូគព្ភសាស្រ្ត បរិស្ថានភូមិសាស្រ្ត កេរដំណែលវប្បធម៌ និងសញ្ញាសម្គាល់ភូមិសាស្ត្រសំខាន់ៗនៅក្នុងមណ្ឌលស្វយ័តKizilsu Kirgiz នៃភូមិភាគស្វយ័ត Xinjiang ប្រទេសចិន។ អ្នកជំនាញ និងបញ្ញវន្តបានថ្លែងថា សកម្មភាពសិក្សាស្រាវជ្រាវខាងវិទ្យាសាស្ត្រមានអំណោយផលដល់ការជំរុញការសិក្សាស្រាវជ្រាវពីជំនាញឯកទេសក្នុងវិស័យពាក់ព័ន្ធ ហើយនឹងជំរុញឱ្យសាធារណជនយកចិត្តទុកដាក់ និងយល់ដឹងអំពីការការពារបេតិកភណ្ឌធម្មជាតិ និងវប្បធម៌ ដើម្បីរួមចំណែកដល់ការជំរុញការសិក្សាស្រាវជ្រាវខាងវិទ្យាសាស្ត្រ និងការអភិវឌ្ឍសេដ្ឋកិច្ច និងសង្គមក្នុងតំបន់របស់ប្រទេសចិន៕