អ្នកយកព័ត៌មានទទួលបានដំណឹងពីគណៈកម្មាធិការធុរកិច្ចក្រុងសៀងហៃឱ្យដឹងថា នៅឆ្នាំ២០២៤នេះ ដើម្បីឱ្យពិព័រណ៍នាំចូលអន្តរជាតិចិន និងវេទិកាសេដ្ឋកិច្ចអន្តរជាតិ Hongqiao ដើរតួនាទីជាវេទិកាបើកចំហឱ្យកាន់តែល្អ ក្នុងន័យពង្រីកប្រសិទ្ធភាពបន្ថែមទៀត ទីក្រុងសៀងហៃនឹងរៀបចំសន្និសីទសៀងហៃនៃពិព័រណ៍នាំចូលអន្តរជាតិចិនលើកទី ៧ ដើម្បីផ្តល់ជាវេទិកាសម្រាប់ការធ្វើអន្តរកម្ម ការផ្លាស់ប្តូរ ការសន្ទនា និងកិច្ចសហប្រតិបត្តិការសម្រាប់សហគ្រាស និងអង្គភាពផ្សេងទៀតដែលមកចូលរួមពិព័រណ៍ ។ សន្និសីទសៀងហៃនៃពិព័រណ៍នាំចូលអន្តរជាតិចិនលើកទី ៧ នឹងធ្វើតាមប្រធានបទ "ធ្វើការកែទម្រង់ឱ្យស៊ីជម្រៅដោយគ្រប់ជ្រុងជ្រោយបន្ថែមទៀត និងជំរុញការបើកចំហកម្រិតខ្ពស់" ដែលនឹងរៀបចំធ្វើកិច្ចប្រជុំក្រោមប្រធានបទពិសេស កិច្ចប្រជុំបិទទ្វារ តុមូល សន្និសីទកាសែតប្រកាសពីសមិទ្ធផល និងកិច្ចប្រជុំទ្វេភាគី និងសកម្មភាពផ្សេងៗទៀតចំនួន ៨៩ ចាប់ពីថ្ងៃទី ៦ ដល់ថ្ងៃទី ៨ ខែវិច្ឆិកា ដើម្បីជំរុញបន្ថែមទៀតនូវការផ្លាស់ប្តូររវាងភ្ញៀវកិត្តិយសដែលចូលរួមក្នុងព្រឹត្តិការណ៍ទាំងនេះ និងជំរុញឱ្យពិព័រណ៍នាំចូលអន្តរជាតិចិននិងវេទិកា Hongqiao រៀបចំឱ្យបានកាន់តែប្រសើរឡើង៕