ថ្ងៃទី ២២ ខែតុលា  លោក Xi Jinping  ប្រធានរដ្ឋចិនបានផ្ញើលិខិតអបអរសាទរជូនចំពោះលោក លឿង គឿង ដែលបានឡើងកាន់មុខតំណែងជាប្រធានរដ្ឋនៃសាធារណរដ្ឋសង្គមនិយមវៀតណាម។

         លោក Xi Jinping  បានលើកឡើងថា   ប៉ុន្មានឆ្នាំចុងក្រោយនេះ  ខ្ញុំនិងសមមិត្តដែលជាថ្នាក់ដឹកនាំនៃប្រទេសវៀតណាមបានរក្សាការផ្លាស់ប្តូរជាយុទ្ធសាស្ត្រយ៉ាងជិតស្និទ្ធ   និងរួមគ្នាដឹកនាំទំនាក់ទំនងចិន-វៀតណាមឱ្យឈានចូលយុគសម័យថ្មីស្តីពីការបង្កើតសហគមន៍រួមវាសនាដ៏មានអត្ថន័យជាយុទ្ធសាស្ត្រ ។ នាពេលមុននេះ  មិនជាយូរប៉ុន្មាន លោកបានអញ្ជើញមកបំពេញទស្សនកិច្ចនៅចិន ខ្ញុំនិងលោកបានផ្លាស់ប្តូរគ្នាអំពីការជំរុញកិច្ចសហប្រតិបត្តិការជាយុទ្ធសាស្ត្រគ្រប់ជ្រុងជ្រោយរវាងចិននិងវៀតណាម ហើយឯកភាពគ្នាជំរុញទំនាក់ទំនងចិន-វៀតណាមតាមមុំយុទ្ធសាស្ត្រ កំណត់ទិសដៅអភិវឌ្ឍន៍  ដើម្បីធានាជាក់លាក់ឱ្យទំនាក់ទំនងទ្វេភាគីអភិវឌ្ឍតាមមាគ៌ាដ៏ត្រឹមត្រូវ។ ភាគីទាំងពីរគួរអនុវត្តគំនិតឯកភាពរួមនៃថ្នាក់ដឹកនាំបក្សនិងរដ្ឋទាំងពីរ ជំរុញកិច្ចសហប្រតិបត្តិការជាយុទ្ធសាស្ត្រគ្រប់ជ្រុងជ្រោយរវាងចិននិងវៀតណាមឱ្យទទួលបានសមទ្ធិផលកាន់តែច្រើន ដើម្បីរួមចំណែកក្នុងដំណើរការទំនើបកម្មរបស់ប្រទេសទាំងពីរ។ ភាគីចិននឹងគាំទ្រយ៉ាងមុតមាំចំពោះភាគីវៀតណាមក្នុងការដើរតាមមាគ៌ាសង្គមនិយមដែលសមស្របនឹងស្ថានភាពជាតិរបស់វៀតណាម   គាំទ្រវៀតណាមឱ្យរៀបចំដោយជោគជ័យនូវសមាជបក្សកុម្មុយនីស្តវៀតណាមលើកទី១៤  ។   ខ្ញុំយកចិត្តទុកដាក់ខ្ពស់ចំពោះការអភិវឌ្ឍទំនាក់ទំនងរវាងចិននិងវៀតណាម  មានឆន្ទៈរួមជាមួយលោកប្រធានរដ្ឋ ធ្វើកិច្ចខិតខំប្រឹងប្រែង  ដើម្បីដឹកនាំការកសាងសហគមន៍រួមវាសនារវាងចិននិងវៀតណាមឱ្យកាន់តែស៊ីជម្រៅ  ដើម្បីផ្តល់ផលប្រយោជន៍កាន់តែច្រើនជូនដល់ប្រជាជននៃប្រទេសទាំងពីរ៕