យប់ថ្ងៃទី១៧ខែតុលា កងទ័ពការពារជាតិនិងរដ្ឋបាលសន្តិសុខជាតិអ៊ីស្រាអែលបានចេញផ្សាយសេចក្តីថ្លែងការណ៍រួមថា លោក Yahya Sinwar មេដឹកនាំនៃអង្គការហាម៉ាសត្រូវបានសម្លាប់ក្នុងប្រតិបត្តិការយោធានៃកងទ័ពអ៊ីស្រាអែលនៅតំបន់ហ្កាហ្សា ។

សេចក្តីថ្លែងការណ៍បានលើកឡើងថា លោក Yahya Sinwar បានស្លាប់បាត់បង់ជីវិតក្នុងប្រតិបត្តិការយោធារបស់កងទ័ពអ៊ីស្រាអែលនៅភាគខាងត្បូងនៃតំបន់ហ្កាហ្សាកាលពីថ្ងៃទី១៦ខែតុលា ។ លោក Yahya Sinwar បានគ្រោងផែនការនិងអនុវត្តសកម្មភាពវាយប្រហាររបស់កងកម្លាំងប្រដាប់អាវុធអង្គការហាម៉ាសចំពោះអ៊ីស្រាអែលកាលពីថ្ងៃទី៧ខែតុលាឆ្នាំ២០២៣ ដែលទទួលខុសត្រូវចំពោះការសម្លាប់និងចាប់ខ្លួនជនជាតិអ៊ីស្រាអែលជាច្រើននាក់ ។

កាលពីថ្ងៃទី៣១ខែកក្កដាឆ្នាំនេះ លោក Ismail Haniya ថ្នាក់ដឹកនាំនៃអាជ្ញាធរហាម៉ាសបានស្លាប់បាត់បង់ជីវិតក្នុងការវាយប្រហារនៅក្រុងតេហេរ៉ង់ រដ្ឋធានីអ៊ីរ៉ង់ ។ អង្គការហាម៉ាសបានចេញផ្សាយសេចក្តីថ្លែងការណ៍កាលពីថ្ងៃទី៦ខែសីហាថា លោក Yahya Sinwar នឹងក្លាយជាថ្នាក់ដឹកនាំអង្គការហាម៉ាសជំនួសលោក Ismail Haniya ៕