អ្នកនាំពាក្យក្រសួងពាណិជ្ជកម្មចិនបានថ្លែងនៅថ្ងៃទី ៤ ខែតុលាថា ភាគីចិនប្រឆាំងយ៉ាងម៉ឺងម៉ាត់ចំពោះសេចក្តីព្រាងច្បាប់កាត់ក្តីចុងក្រោយអំពីការយកពន្ធប៉ះបូវចំពោះរថយន្តអគ្គិសនីចិននៃភាគីសហភាពអឺរ៉ុប ប៉ុន្តក៏បានឃើញបំណងនយោបាយរបស់ភាគីអឺរ៉ុបដែលបង្ហាញថា ចង់បន្តដោះស្រាយបញ្ហាតាមរយៈការចរចាពិភាក្សាផងដែរ។ ក្រុមបច្ចេកវិទ្យារបស់ចិននិងអឺរ៉ុបនឹងបន្តចរចារនៅថ្ងៃទី ៧ ខែតុលា។
អ្នកកាសែតបានសួរថា តាមព័ត៌មានពាក់ព័ន្ធបានឱ្យដឹងថា នៅថ្ងៃទី ៤ ខែតុលា តំណាងប្រទេសសមាជិកសហភាពអឺរ៉ុបបានបោះឆ្នោតហើយបានអនុម័តលើសេចក្តីព្រាងច្បាប់កាត់ក្តីចុងក្រោយអំពីការយកពន្ធប៉ះបូវចំពោះរថយន្តអគ្គិសនីចិននៃភាគីសហភាពអឺរ៉ុប ដែលលើកឡើងដោយគណៈកម្មាធិការសហភាពអឹរ៉ុប ដែលប្រុងយកពន្ធប៉ះបូវដំណាក់កាល់ចុងបំផុតចំពោះរថយន្តអគ្គិសនីដែលផលិតដោយប្រទេសចិន។ សូមសួរភាគីចិនវាយតម្លៃយ៉ាងណាចំពោះករណីនេះ? អ្នកនាំពាក្យក្រសួងពាណិជ្ជកម្មចិនបានធ្វើការឆ្លើយតបដូចពោលខាងលើ។
អ្នកនាំពាក្យបានបន្តថា ចំពោះករណីដែលសហភាពយកពន្ធប៉ះបូវចំពោះរថយន្តអគ្គិសនីចិន គោលជំហររបស់ភាគីចិនគឺច្បាប់លាស់ជាប់រហូត ភាគីចិនប្រឆាំងយ៉ាងម៉ឺងម៉ាត់ចំពោះទង្វើការពារនិយមនៃភាគីអឺរ៉ុបដែលអយុត្តិធម៌ មិនសមស្របបទបញ្ញត្តិ និងមិនសមហេតុផល។ ចិនប្រឆាំងយ៉ាងម៉ឺងម៉ាត់ចំពោះការយកពន្ធប៉ះបូវដល់រថយន្តអគ្គិសនីចិននៃភាគីអឺរ៉ុប។ ភាគីចិនសូមដាស់តឿនភាគីអឺរ៉ុបឱ្យអនុវត្តសកម្មភាពជាក់ស្តែងនៃការអនុវត្តបំណងនយោបាយយ៉ាងប្រាកដប្រជា វិលត្រឡប់មកលើមាគ៌ាត្រឹមត្រូវដែលដោះស្រាយជម្លោះពាណិជ្ជកម្មតាមរយៈការពិគ្រោះពិភាក្សាវិញ។ ភាគីចិនចាំបាច់នឹងចាត់វិធានការទាំងអស់ដើម្បីគាំពារយ៉ាងរឹងមាំចំពោះផលប្រយោជន៍របស់សហគ្រាសចិនជាមិនខាន៕
