ថ្ងៃទី ៣០ ខែកញ្ញា អ្នកកាសែតទទួលបានដំណឹងពីភាគីមហាសន្និបាតបណ្តាញអ៊ីនធើណេតពិភពលោកឱ្យដឹងថា កិច្ចប្រជុំកំពូល Wuzhen នៃមហាសន្និបាតបណ្តាញអ៊ីនធើណេតពិភពលោកឆ្នាំ២០២៤នឹងធ្វើឡើងពីថ្ងៃទី ១៩ ដល់ថ្ងៃទី ២២ ខែវិច្ឆិកាខាងមុខនេះនៅភូមិ Wuzhen ប្រទេសចិន។

      កិច្ចប្រជុំកំពូល Wuzhen លើកនេះនឹងផ្តោតលើបញ្ញាសិប្បនិម្មិត ធ្វើឡើងក្រោមប្រធានបទ « អោបអនាគតឌីជីថលដែលតម្កល់ទុកមនុស្សជាឫសគល់ ភាពវៃឆ្លាតប្រកបដោយគំនិតសប្បុរស »  នឹងរៀបចំធ្វើសាខាវេទិកាចំនួន ២៤ ក្រោមប្រធានបទខុសគ្នាដូចជា៖  គំនិតផ្តួចផ្តើមអភិវឌ្ឍន៍សកល, ការអភិវឌ្ឍប្រកបដោយភាពស៊ីសង្វាក់គ្នានិងបរិវត្តកម្មនៃឌីជីថលភាវូបនីយកម្មនិងបៃតងភាវូបនីយកម្ម,   សេដ្ឋកិច្ចឌីជីថល,   ការអភិវឌ្ឍអេកូឡូស៊ីបែបបើកចំហ,   អភិបាលកិច្ចតាមទិន្នាន័យ,   នីតិរដ្ឋលើបណ្តាញអ៊ីនធើណេត ,    ការផ្លាស់ប្តូរនិងរៀនសូត្រគ្នាទៅវិញទៅមកនូវវប្បធម៌បណ្តាញអ៊ីនធើណេត ,  ការអប់រំឌីជីថល,   យុវជននិងអនាគតឌីជីថល   ,  ការច្នៃប្រឌិតថ្មី និងអភិបាលកិច្ចនៃបច្ចេកទេសបញ្ញាសិប្បនិម្មិត  ,  ការអភិវឌ្ឍបច្ចេកទេសខាងសន្តិសុខបណ្តាញអ៊ីនធើណេត និងកិច្ចសហប្រតិបត្តិការអន្តរជាតិជាដើម។

       អ្នកទទួលខុសត្រូវនៃលេខាធិការដ្ឋាននៃមហាសន្និបាតបណ្តាញអ៊ីនធើណេតពិភពលោកបានថ្លែងថា  កិច្ចប្រជុំកំពូល Wuzhen  ឆ្នាំ២០២៤ នឹងបន្តបង្ហាញភាពបំផុសថ្មីៗដោយឈរលើមូលដ្ឋានពិសេសនៃកិច្ចប្រជុំលើកមុនៗ ដើម្បីទាក់ទាញចក្ខុវិស័យពិភពលោកផ្តោតលើប្រទេសចិនតាមរយៈគំនិតថ្មីនិងខ្លឹមសារថ្មី៕