ទីភ្នាក់ងារព័ត៌មាន Reuters បានដកស្រង់សម្តីរបស់ឥស្សរជនពីររូបចុះផ្សាយកាលពីថ្ងៃទី២២ខែកញ្ញាថា ដោយសារគិតពិចារណាអំពី “សន្តិសុខជាតិ” ដូចនេះ ក្រសួងពាណិជ្ជកម្មអាមេរិកគ្រោងនឹងលើកឡើងសំណើនៅថ្ងៃចន្ទនេះដោយហាមឃាត់មិនឱ្យរថយន្តដែលតភ្ជាប់បណ្តាញអ៊ីនធើណេតនិងរថយន្តបើកបរដោយស្វ័យប្រវត្តិដែលបើកលើផ្លូវសហរដ្ឋអាមេរិកប្រើប្រាស់គ្រឿងទន់និងគ្រឿងរឹងរបស់ចិន ។ តាមការផ្សាយដំណឹងឱ្យដឹងថា ទង្វើនេះជា “ការដំឡើងកម្រិតដ៏សំខាន់”របស់អាមេរិកស្តីពីការបន្តដាក់កំហិតទៅលើរថយន្ត គ្រឿងទន់និងគ្រឿងបន្លាស់របស់ចិន ។ អ្នកជំនាញសម្គាល់ឃើញថា ប្រការនេះគឺសហរដ្ឋអាមេរិកបន្តប្រើប្រាស់គំនិត “សន្តិសុខជាតិ”ដោយខុសទំនង ជាការគាបសង្កត់ដោយគ្រប់ជ្រុងជ្រោយចំពោះរថយន្តអគ្គិសនីចិន ដើម្បីជំរុញ “ការផ្តាច់ទំនាក់ទំនងខ្សែសង្វាក់ឧស្សាហកម្ម”ក្នុងវិស័យវិទ្យាសាស្ត្រនិងបច្ចេកវិទ្យាថែមមួយកម្រិតទៀត ៕