ថ្ងៃទី១៦ ខែកញ្ញា អ្នកសារព័ត៌មានទទួលដំណឹងពីក្រុមហ៊ុនផ្លូវដែកជាតិចិនបានឱ្យដឹងថា ថ្ងៃទី១៥ ខែកញ្ញាគឺជាថ្ងៃដំបូងនៃថ្ងៃឈប់សម្រាកបុណ្យសែនព្រះខែ ផ្លូវដែកជាតិចិនបានដឹកជញ្ជូនអ្នកដំណើរជាង១៧០៨.៥ម៉ឺននាក់នៅថ្ងៃដំបូងនៃថ្ងៃឈប់សម្រាកបុណ្យសែនព្រះខែ។ថ្ងៃទី១៦ ខែកញ្ញា លំហូរអ្នកដំណើរនៃផ្លូវដែកនៅទូទាំងប្រទេសនៅតែស្ថិតក្នុងកម្រិតខ្ពស់ដដែល ដោយគ្រោងដឹកជញ្ជូនអ្នកដំណើរប្រមាណ១១៨០ម៉ឺនលាននាក់ និងបន្ថែមរថភ្លើងចំនួន៦០៤ខ្សែ។
អ្នកទទួលខុសត្រូវនៃក្រុមហ៊ុនផ្លូវដែកជាតិចិនបានបញ្ជាក់ថា លំហូរទេសចរណ៍ លំហូរទៅសួរសុខទុក្ខសាច់ញាតិ និងលំហូរនិស្សិតបានរួមបញ្ចូលគ្នាក្នុងថ្ងៃឈប់សម្រាកនៃបុណ្យសែនព្រះខែ។ក្នុងអំឡុងពេលដឹកជញ្ជូនតាមផ្លូវដែកនៅថ្ងៃឈប់សម្រាកបុណ្យសែនព្រះខែ គឺពីថ្ងៃទី១៤ដល់ថ្ងៃទី១៨ ខែកញ្ញា ផ្លូវដែកទូទាំងប្រទេសបានអនុវត្តប្លង់ប្រតិបត្តិការខ្សែបន្ទាត់កំពូល ដើម្បីសម្របសម្រួលធនធានដឹកជញ្ជូននៃផ្លូវរថភ្លើងល្បឿនលឿននិងផ្លូវរថភ្លើងធម្មតា ជាមធ្យមរថភ្លើងដឹកអ្នកដំណើរជាង១១១០០ខ្សែត្រូវបានគេគ្រោងនឹងដំណើរការជារៀងរាល់ថ្ងៃ ដែលកើនឡើងជាង ៥៩០ខ្សែបើធៀបនឹងចំនួនប្រចាំថ្ងៃ៕
