នាព្រឹកថ្ងៃទី៦ ខែកញ្ញា លោកស្រី Peng Liyuan ភរិយារបស់លោកប្រធានរដ្ឋចិន Xi Jinping បានជួបសំណេះសំណាលជាមួយលោកស្រី Antoinette ភរិយារបស់ប្រធានាធិបតីសាធារណរដ្ឋកុងហ្គោ នៅទីក្រុងប៉េកាំង។

លោកស្រីPeng Liyuan បានកោតសរសើរចំពោះលោកស្រីAntoinette ដែលបាធ្វើកិច្ចខិតខំប្រឹងប្រែងជំរុញការអភិវឌ្ឍវិស័យសុខាភិបាលនៅទ្វីបអាហ្រ្វិកក្នុងរយៈពេលជាយូរកន្លងមក ប្រជាជននៃប្រទេសចិន និងសាធារណរដ្ឋកុងហ្គោមានភាពស្និទ្ធស្នាលដូចគ្រួសារតែមួយ និងជួយយកអាសាគ្នា រំពឹងទុកថាភាគីទាំងពីរនឹងពង្រឹងការផ្លាស់ប្តូរ និងកិច្ចសហប្រតិបត្តិការលើវិស័យផ្សេងៗ ដើម្បីផ្តល់ផលប្រយោជន៍ដល់ប្រជាជនចិននិងប្រជាជនអាហ្វ្រិក។

លោកស្រីAntoinette បានថ្លែងអំណរគុណដល់ប្រទេសចិន ជាពិសេសចំពោះលោកស្រី Peng Liyuan ដែលតែងតែផ្តល់ការគាំទ្រដ៏មានតម្លៃ សម្រាប់ការជំរុញការអភិវឌ្ឍវិស័យសុខាភិបាល កិច្ចការស្ត្រី និងកុមារ នៃប្រទេសអាហ្វ្រិក ហើយបានបង្ហាញពីឆន្ទៈក្នុងការពង្រឹងបន្ថែមទៀតនូវការផ្លាស់ប្តូរ និងកិច្ចសហប្រតិបត្តិការជាមួយប្រទេសចិនក្នុងវិស័យសុខាភិបាល អប់រំ និងវិស័យផ្សេងៗទៀតក្នុងន័យរួមចំណែកក្នុងការពង្រឹងមិត្តភាពអាហ្វ្រិក-ចិន៕