ថ្ងៃទី ២៦ ខែសីហា លោក Lin Jian   អ្នកនាំពាក្យក្រសួងការបរទេសចិនបានធ្វើជាអធិបតីក្នុងសន្និសីទកាសែតជាប្រចាំ។

      ពេលឆ្លើយសំណួរអំពីការដែលនាវាហ្វីលីពីនបំពានចូលលំហសមុទ្រជុំវិញថ្មប៉ប្រះទឹក Xianbin  របស់ចិន  លោក  Lin Jian  បានថ្លែងថា  ខ្ញុំសូមរំលឹកឡើងវិញថា  ថ្មប៉ប្រះទឹក Xianbin  ជាផ្នែកមួយនៃប្រជុំកោះ Nansha របស់ប្រទេសចិន។ កាលពីថ្ងៃទី ២៥ ខែសីហា  នាវានៃរដ្ឋបាលធនធាននេសាទនិងជលផលហ្វីលីពីនមិនអើពើពីការប្រឆាំងយ៉ាងម៉ឺងម៉ាត់និងការដាស់តឿនហាមឃាត់ម្តងហើយម្តងទៀតពីសំណាក់ភាគីចិន  ដោយទទូចបំពានចូលលំហសមុទ្រជុំវិញថ្មប៉ប្រះទឹក Xianbin  នៃប្រជុំកោះ Nansha របស់ចិន និងបើកបំបុកនាវាឆ្មាំសមុទ្រចិនដែលកំពុងអនុវត្តច្បាប់នៅនឹងកន្លែងដោយចេតនា,  ភាគីហ្វីលីពីនត្រូវទទួលខុសត្រូវចំពោះករណីដែលនាវាភាគីទាំងពីរបុកទង្គិចគ្នា  ។ ឆ្មាំសមុទ្រចិនអនុលោមតាមច្បាប់ជាតិនិងច្បាប់អន្តរជាតិ បានចាត់ចំណាត់ការដ៏ចាំបាច់ចំពោះនាវាហ្វីលីពីន  ការអនុវត្តច្បាប់ប្រកបដោយភាពជំនាញ ភាពអត់ធ្មត់ និងមានបទដ្ឋាន ។  មួយរយៈពេលកន្លងមក ភាគីហ្វីលីពីនបានបញ្ជូននាវាឆ្មាំសមុទ្រនិងនាវារដ្ឋបាលឱ្យបំពានចូលលំហសមុទ្រជុំវិញថ្មប៉ប្រះទឹក Xianbin  ជាញឹកញាប់  ក្នុងគោលបំណងផ្គត់ផ្គង់សម្ភារៈចំពោះនាវាឆ្មាំសមុទ្រហ្វីលីពីនដែលបានទុកចោលដោយខុសច្បាប់អស់កាលជាយូរមកនៅថ្មប៉ប្រះទឹក Xianbin  ដើម្បីប៉ុនប៉ងរយៈពេលយូរទៀត ។  ទង្វើហ្វីលីពីនបែបនេះបានបំពានអធិបតេយ្យភាពទឹកដីចិនយ៉ាងធ្ងន់ធ្ងរនិងបានល្មើសនឹង « សេចក្តីប្រកាសប្រតិបត្តិការនៃបណ្តាភាគីសមុទ្រចិនខាងត្បូង» យ៉ាងធ្ងន់ធ្ងរ បានបំផ្លាញសន្តិភាពនិងស្ថិរភាពនៅសមុទ្រចិនខាងត្បូង។ ភាគីចិនដាស់តឿនភាគីហ្វីលីពីនឱ្យបញ្ឈប់រាល់ទង្វើរំលោភសិទ្ធិនិងបង្កហេតុភ្លាម និងដកនាវាទុកចោលនោះចេញភ្លាម។ ភាគីចិននឹងបន្តចាត់វិធានការតាមច្បាប់យ៉ាងម៉ឺតម៉ាត់ដើម្បីគាំពារអធិបតេយ្យភាពទឹកដីនិងសិទ្ធិសមុទ្ររបស់ខ្លួន និងគាំពារ «សេចក្តីប្រកាសប្រតិបត្តិការនៃបណ្តាភាគីសមុទ្រចិនខាងត្បូង» ៕