អ្នកសារព័ត៌មានបានដំណឹងពីសន្និសីទការងារនាំចេញប្រកបដោយគុណភាពខ្ពស់នៃអាជីវកម្មគ្រឿងអេឡិចត្រូនិកប្រើប្រាស់ក្នុងផ្ទះឆ្នាំ២០២៤ដែលបានធ្វើនៅខេត្តZhejiangប្រទេសចិននាពេលថ្មីៗនេះឱ្យដឹងថា   ចាប់តាំងពីចូលឆ្នាំនេះមក  ស្របពេលដែលតម្រូវការនៃទីផ្សារអន្តរជាតិងើបឡើងវិញ   ការនាំចេញគ្រឿងអេឡិចត្រូនិកប្រើប្រាស់ក្នុងផ្ទះរបស់ប្រទេសចិនសម្រេចបាននូវកំណើនជាលំដាប់។

      ទិន្នន័យរបស់សភាពាណិជ្ជកម្មចិននៃការនាំចេញនាំចូលផលិតផលគ្រឿងយន្តនិងអេឡិចត្រូនិកបង្ហាញថា  នៅឆមាសទីមួយនៃឆ្នាំ២០២៤   ការនាំចេញគ្រឿងអេឡិចត្រូនិកប្រើប្រាស់ក្នុងផ្ទះជាសកលរបស់ប្រទេសចិនមានដល់៦៤.៨១ប៊ីលានដុល្លារអាមេរិក កើនឡើង១៣.៤ភាគរយបើប្រៀបធៀបនឹងរយៈពេលដូចគ្នានៃឆ្នាំ២០២៣៕

      បើមើលពីការនាំចេញជាសកលអាចឃើញថា   ចំនួននាំចេញនៃទីផ្សារងើបឡើងថ្មីនិងតំបន់តាមបណ្តោយ"ខ្សែក្រវាត់និងផ្លូវ"បានកើនឡើងជាលំដាប់  ក្នុងចំណោមនោះ សមាមាត្រនៃការនាំចេញគ្រឿងអេឡិចត្រូនិកប្រើប្រាស់ក្នុងផ្ទះទៅកាន់ទីផ្សារអាមេរិកឡាទីនបានកើនឡើងយ៉ាងច្បាស់ ដែលមានល្បឿនកំណើនដល់៣៧.៧ភាគរយ៕