ថ្ងៃទី១៩ខែសីហា ពិធីចុះហត្ថលេខាលើកិច្ចព្រមព្រៀងស្តីពីក្របខ័ណ្ឌសហប្រតិបត្តិការជាយុទ្ធសាស្រ្តដោយគ្រប់ជ្រុងជ្រោយរវាងអគ្គស្ថានីយវិទ្យុនិងទូរទស្សន៍មជ្ឈិមចិននិងសកលវិទ្យាល័យZhejiangបានធ្វើឡើងនៅក្រុងប៉េកាំង។ លោកShenHaixiongអនុរដ្ឋមន្រ្តីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិននិងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិន លោកRenShaobo លេខាធិការនៃគណៈកម្មការបក្សកុម្មុយនីស្តចិនប្រចាំនៅសកលវិទ្យាល័យZhejiang លោកDuJiangfeng សកលវិទ្យាធិការនៃសកលវិទ្យាល័យZhejiangជាដើមបានអញ្ជើញចូលរួម ព្រមទាំងរួមគ្នាដាក់ឱ្យដំណើរការនូវគម្រោងសំខាន់ៗដែលបង្កើតរួមគ្នាដោយអគ្គស្ថានីយវិទ្យុនិងទូរទស្សន៍មជ្ឈិមចិននិងសកលវិទ្យាល័យZhejiang។

      នៅក្នុងពិធី ភាគីទាំងពីរបានចុះហត្ថលេខាលើ«កិច្ចព្រមព្រៀងស្តីពីក្របខ័ណ្ឌសហប្រតិបត្តិការជាយុទ្ធសាស្រ្តដោយគ្រប់ជ្រុងជ្រោយរវាងអគ្គស្ថានីយវិទ្យុនិងទូរទស្សន៍មជ្ឈិមចិននិងសកលវិទ្យាល័យZhejiang»។ យោងតាមកិច្ចព្រមព្រៀងនេះ ភាគីទាំងពីរនឹងធ្វើកិច្ចសហប្រតិបត្តិការយ៉ាងស៊ីជម្រៅលើវិស័យកសាងវេទិកា រួមគ្នាបង្កើតខ្លឹមសារកម្មវិធី ផ្លាស់ប្តូរនិងសហការ បណ្តុះបណ្តាលធនធានមនុស្សនិងសេវាធនាគារគំនិតជាដើម ខិតខំប្រមូលផ្តុំតម្រិះប្រាជ្ញា ដើម្បីលើកកម្ពស់កម្លាំងជាតិជាក់ស្តែងផ្នែកបច្ចេកវិទ្យានិងអំណាចទន់ខាងវប្បធម៌ ក៏ដូចជាជំរុញការបង្កើតឡើងវិញនូវនិម្មាបនកម្មនៃការផ្សព្វផ្សាយអន្តរជាតិ៕