កាលពីថ្ងៃទី១៩ខែសីហាតាមម៉ោងក្នុងតំបន់ លោក Shen Jian ឯកអគ្គរដ្ឋទូតទទួលបន្ទុកការកាត់បន្ថយសព្វាវុធរបស់ចិនបានដឹកនាំគណៈប្រតិភូទៅចូលរួមមហាសន្និបាតនៃរដ្ឋហត្ថលេខីលើកទី១០នៃ《សន្ធិសញ្ញាស្តីពីពាណិជ្ជកម្មអាវុធ》ដែលបើកធ្វើនៅក្រុងហ្សឺណែវ ។

លោក Shen Jian បានលើកឡើងក្នុងកិច្ចប្រជុំជជែកដេញដោលជាធម្មតាថា ប្រទេសចិនចូលរួមសន្ធិសញ្ញានេះជាផ្លូវការនៅឆ្នាំ២០២០ បានបង្ហាញយ៉ាងពេញលេញនូវសេចក្តីស្មោះត្រង់និងការប្តេជ្ញាចិត្តរបស់ភាគីចិនក្នុងការការពារប្រព័ន្ធអភិបាលកិច្ចសកល គាំទ្រពហុភាគីនិយមនិងជំរុញការបង្កើតសហគមន៍រួមវាសនានៃមនុស្សជាតិ ។

លោក Shen Jian បានគូសបញ្ជាក់ថា ចិនជាអ្នកគាំទ្រយ៉ាងមុតមាំនិងជាអ្នកអនុវត្តយ៉ាងស្មោះត្រង់នូវ《សន្ធិសញ្ញាស្តីពីពាណិជ្ជកម្មអាវុធ》ជាប់រហូតមក ហើយក៏ជាអ្នករួមចំណែកយ៉ាងសកម្មនៃអភិបាលកិច្ចលើការធ្វើពាណិជ្ជកម្មអាវុធសកលផងដែរ ។ អំពីបញ្ហាពាណិជ្ជកម្មអាវុធ ភាគីចិនបានបង្កើតប្រព័ន្ធគោលនយោបាយនិងច្បាប់កំណត់ខាងការនាំចេញសព្វាវុធដ៏មានសុក្រឹតភាពនិងគោរពតាមគោលការណ៍ចំនួនបីស្តីពីការនាំចេញសព្វាវុធយ៉ាងតឹងរ៉ឹង ។ ចិនប្រឆាំងនឹង “ការចាក់សាំងលើភ្លើង”នៅតំបន់ដែលកើតមានការប៉ះទង្គិច ហើយប្រឆាំងនឹងការធ្វើនយោបាយនីយកម្មនិងឧបករណ៍ភាវូបនីយកម្មចំពោះបញ្ហាពាណិជ្ជកម្មអាវុធនិងសន្ធិសញ្ញានេះ ៕