ថ្ងៃទី ៧ ខែសីហា លោកDai Bing ភារធារីនៃគណៈប្រតិភូចិនប្រចាំជាអចិន្ត្រៃយ៍នៅអង្គការសហប្រជាជាតិបានថ្លែងសុន្ទរកថាក្នុងកិច្ចប្រជុំបើកចំហនៃអង្គការសហប្រជាជាតិស្តីពីការជំរុញបុព្វហេតុស្ត្រី សន្តិភាពនិងសន្តិសុខក្នុងបរិបទដែលកងកម្លាំងរក្សាសន្តិភាពពន្លឿនការដកចេញដើម្បីអំពាវនាវម្តងទៀតឱ្យសម្រេចបាននូវការឈប់បាញ់គ្នាភ្លាមៗនៅតំបន់ហ្កាហ្សា។

      លោកDai Bing បានលើកឡើងថា បច្ចុប្បន្ន ការប៉ះទង្គិចនៅតំបន់ហ្កាហ្សាបានអូសបន្លាយអស់ពេលជាង ៣០០ ថ្ងៃហើយ មានស្ត្រីលើសពីមួយម៉ឺននាក់ត្រូវបានសម្លាប់ ស្ត្រីប៉ាឡេស្ទីននិងកុមារីលើសពីមួយលាននាក់បាននិងកំពុងប្រឈមមុខនឹងភាពអត់ឃ្លាន។ ភាគីចិនសូមអំពាវនាវម្តងទៀតឱ្យបណ្តាភាគីនានារួមគ្នាជំរុញការអនុវត្តជាក់ស្តែងនូវសេចក្តីសម្រេចចិត្តពាក់ព័ន្ធ របស់ក្រុមប្រឹក្សាសន្តិសុខដោយគ្រប់ជ្រុងជ្រោងនិងមានប្រសិទ្ធភាព ដើម្បីសម្រេចបាននូវការឈប់បាញ់គ្នាភ្លាមៗ និងបញ្ចប់គ្រោះមហន្តរាយផ្នែកមនុស្សធម៌។ មិនថាប្រតិបត្តិការសន្តិភាពផ្លាស់ប្តូរទៅជាទម្រង់បែបណាក៏ដោយ ក៏ការជំរុញឱ្យមានដំណោះស្រាយបញ្ហាក្តៅតាមផ្លូវនយោបាយគឺជាការធ្វើប្រតិភូកម្មអំណាចជាមូលដ្ឋាន។ គណៈប្រេសិតពិសេសនៃអង្គការសហប្រជាជាតិគួរសហការជាមួយអង្គការក្នុងតំបន់ ដើម្បីជំរុញបរិយាបន្ននិងការផ្សាះផ្សាក្នុងសង្គម៕