សកម្មភាពពាក់ព័ន្ធនៃពានរង្វាន់ផ្កាមួយរយនៃភាពយន្តចិនលើកទី៣៧បានបើកធ្វើនៅទីក្រុងChengDuខេត្តSiChuanប្រទេសចិននៅល្ងាចថ្ងៃទី២ខែសីហា។ពិធីសម្ពោធបើកបានបង្ហាញពីទិដ្ឋភាពដ៏រុងរឿងថ្កុំថ្កើងដែលផ្ការគ្រប់ប្រភេទរីកស្គុសស្គាយនិងប្រកបដោយភាពរស់រវើកនៃវិស័យភាពយន្តក្នុងយុគសម័យថ្មី។លើសពីនេះទៀត "រដូវកាលប្រើប្រាស់ដែលមានអំណោយផលដល់ប្រជាជននៃភាពយន្តជាតិចិនឆ្នាំ២០២៤"បានចាប់ដំណើរការជាផ្លូវការនៅពិធីសម្ពោធបើក។

      នៅរសៀលថ្ងៃដដែល  វេទិកាអំពីពានរង្វាន់ផ្កាមួយរយនៃភាពយន្តចិនក៏បានបើកធ្វើនៅទីក្រុងChengduផងដែរ។ វេទិកានេះបានអញ្ជើញអ្នកប្រកបអាជីពខាងវិស័យភាពយន្តដែលបានរួមចំណែកក្នុងវិស័យផ្សេងៗអស់រយៈពេលដប់ឆ្នាំកន្លងមកនេះ និងធ្វើការបូកសរុបនិងវិភាគចំពោះប្រវត្តិរីកលូតលាស់និងសមិទ្ធផលអភិវឌ្ឍន៍នៃភាពយន្តចិនក្នុងរយៈពេលដប់ឆ្នាំកន្លងមក ដើម្បីប្រមូលផ្តុំកម្លាំងកាយចិត្តសម្រាប់ការអភិវឌ្ឍប្រកបដោយគុណភាពខ្ពស់ជានិរន្តរភាពនៃភាពយន្តចិន។

      តាមដឹង   ក្នុងនាមជាខ្លឹមសារសំខាន់មួយនៃសកម្មភាពពាក់ព័ន្ធ  ពិធីប្រគល់ពានរង្វាន់ផ្កាមួយរយនៃភាពយន្តចិនលើកទី៣៧ នឹងប្រព្រឹត្តទៅនៅល្ងាចថ្ងៃទី៤ខែសីហា៕