នាពេលថ្មីៗកន្លងទៅនេះ គណៈប្រតិភូបក្សកុម្មុយនីស្តចិនបានបំពេញទស្សនកិច្ចនៅប្រទេសប៉ូឡូញ ម៉ុងតេណេហ្គ្រោនិងប៊ុលហ្ការី ហើយបានរៀបចំធ្វើកិច្ចប្រជុំផ្លាស់ប្តូរមតិយោបល់ជាច្រើនលើកដើម្បីធ្វើបទបង្ហាញជាសំខាន់អំពីស្មារតីនៃកិច្ចប្រជុំពេញអង្គលើកទី ៣ នៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី ២០ ក៏ដូចជាធ្វើការពិគ្រោះពិភាក្សាលើប្រធានបទដូចជា ការធ្វើទំនើបកម្មតាមបែបផែនចិននិងកាលានុវត្តភាពថ្មីនៃការអភិវឌ្ឍទំនាក់ទំនងទ្វេភាគីដែលបានមកពីការធ្វើទំនើបកម្មតាមបែបផែនចិនជាដើម ។ បណ្តាភាគីនានាមានឆន្ទៈក្នុងការធ្វើឱ្យស៊ីជម្រៅនូវការប្រាស្រ័យទាក់ទងគ្នារវាងគណបក្សនិងការធ្វើកិច្ចសហប្រតិបត្តិការលើគ្រប់វិស័យជាមួយប្រទេសចិន រំពឹងទុកថា ប្រទេសចិននឹងធ្វើឱ្យស៊ីជម្រៅថែមទៀតនូវកំណែទម្រង់ដោយគ្រប់ជ្រុងជ្រោយដើម្បីបង្កើតកាលានុវត្តភាពអភិវឌ្ឍន៍ថ្មីសម្រាប់ពិភពលោក ៕