នៅថ្ងៃទី ២៨ ខែកក្កដា លោក Najib Mikati នាយករដ្ឋមន្ត្រីនៃរដ្ឋាភិបាលចាំផ្ទះលីបង់បានអំពាវនាវឲ្យសម្រេចបាននូវការឈប់បាញ់គ្នាដោយគ្រប់ជ្រុងជ្រោយនៅភាគខាងត្បូងលីបង់ដើម្បីជៀសវាងកុំឱ្យស្ថានការណ៍បច្ចុប្បន្នឡើងកម្តៅ ។

    តាមការផ្សាយដំណឹងនៃទីភ្នាក់ងារសារព័ត៌មានជាតិលីបង់ឱ្យដឹងថា ក្នុងថ្ងៃដដែលនោះ លោក Abdallah Bou Habib រដ្ឋមន្រ្តីក្រសួងការបរទេសលីបង់បានអំពាវនាវឱ្យធ្វើការស៊ើបអង្កេតជាអន្តរជាតិចំពោះករណីវាយប្រហារលើតំបន់ដីទួល Golan ដែលត្រូវអ៊ីស្រាអែលទន្ទ្រានកាន់កាប់ ។ លោកបានថ្លែងថា ប្រទេសលីបង់ប្រឆាំងនឹងរាល់សកម្មភាពវាយប្រហារណាដែលសំដៅចំពោះជនស៊ីវិលនៅគ្រប់ទីកន្លែងលើពិភពលោក មិនថានៅតំបន់ហ្កាហ្សា លីបង់ឬមួយក៏អ៊ីស្រាអែលក៏ដោយ ៕