អ្នកសារព័ត៌មានបានទទួលដំណឹងពីរដ្ឋបាលជាតិវត្ថុបុរាណចិនឱ្យដឹងថា នៅថ្ងៃទី ២៧ ខែកក្កដា តាមម៉ោងក្នុងតំបន់ មហាសន្និបាតបេតិកភណ្ឌពិភពលោករបស់អង្គការយូណេស្កូលើកទី ៤៦ ដែលធ្វើឡើងនៅទីក្រុងញូវដេលី ប្រទេសឥណ្ឌា បានអនុម័តសេចក្តីសម្រេចចិត្ត ដែលបានដាក់បញ្ចូល "អ័ក្សកណ្តាលនៃទីក្រុងប៉េកាំង ដែលជាស្នាដៃនៃសណ្តាប់ធ្នាប់ទីក្រុងឧត្តមគតិរបស់ប្រទេសចិន" ក្នុងបញ្ជីបេតិកភណ្ឌពិភពលោក ។ រហូតមកដល់ពេលនេះ ចំនួនបេតិកភណ្ឌពិភពលោកសរុបក្នុងប្រទេសចិនមាន ៥៩ ។
"អ័ក្សកណ្តាលនៃទីក្រុងប៉េកាំង" ឆ្លងកាត់ពីភាគខាងជើងទៅខាងត្បូងនៃទីក្រុងចាស់នៃទីក្រុងប៉េកាំង វាត្រូវបានសាងសង់ឡើងក្នុងសតវត្សទី១៣ និងបានបង្កើតឡើងនៅសតវត្សទី ១៦ ចាប់តាំងពីពេលនោះមក វាបានវិវត្តទៅមុខជាបន្តបន្ទាប់ បង្កើតជាអ័ក្សទីក្រុងដ៏វែងបំផុតនៅលើពិភពលោកដែលមានប្រវែងសរុប ៧,៨ គីឡូម៉ែត្រដូចពេលសព្វថ្ងៃនេះ។
"អ័ក្សកណ្តាលនៃទីក្រុងប៉េកាំង"បានផ្គុំគ្នាដោយទីសំណល់សំខាន់ៗចំនួន ៥ ប្រភេទ រួមមាន៖ សំណង់វាំងបុរាណ សំណង់សម្រាប់បូជាយញ្ញក្នុងរាជវាំងបុរាណ បរិក្ខារគ្រប់គ្រងទីក្រុងបុរាណ សំណង់ពិធីការជាតិ និងសំណង់សាធារណៈ និងផ្លូវកណ្តាល ដែលបានបង្ហាញពីទំនៀមទម្លាប់រៀបចំទីក្រុងបុរាណរបស់ចិន ដែលធ្វើជាសាក្ខីភាពនៃការអភិវឌ្ឍ និងការវិវឌ្ឍនៃទីក្រុងប៉េកាំង ជានិមិត្តសញ្ញាដ៏សំខាន់ដែលឆ្លុះបញ្ចាំងពីលក្ខណៈពិសេសនៃអរិយធម៌ចិន៕
