រសៀលថ្ងៃទី២៦ខែកក្កដាតាមម៉ោងក្នុងតំបន់ លោក Han Zheng តំណាងពិសេសរបស់ប្រធានរដ្ឋចិនលោក Xi Jinping និងជាអនុប្រធានរដ្ឋចិនដែលតបតាមការអញ្ជើញធ្វើដំណើរទៅកាន់ប្រទេសបារាំងដើម្បីចូលរួមពិធីបើកព្រឹត្តិការណ៍កីឡាអូឡាំពិកក្រុងប៉ារីសបានធ្វើកិច្ចសំណេះសំណាលយ៉ាងជិតស្និទ្ធជាមួយលោកMacronប្រធានាធិបតីបារាំងនៅវិមានអេលីសេក្រុងប៉ារីស។

លោក  Han Zheng បានពាំនាំនូវការសួរសុខទុក្ខយ៉ាងជិតស្និទ្ធរបស់ លោកXi Jinpingប្រធានរដ្ឋចិននិងលោកស្រី Peng Liyuanភរិយារបស់លោក ជូនចំពោះលោក Macron និងលោកស្រីBrigitte ភរិយារបស់លោក។ លោក Han Zheng បានថ្លែងថា រីករាយណាស់ដែលបានចូលរួមពិធីបើកនៃព្រឹត្តិការណ៍កីឡាអូឡាំពិកតាមការអញ្ជើញ សូមជូនពរកីឡាអូឡាំពិកក្រុងប៉ារីសទទួលបានជោគជ័យទុកជាមុន ។ លោក Macron បានសូមលោក Han Zhengពាំនាំនូវការសួរសុខទុក្ខយ៉ាងស្មោះត្រង់របស់ខ្លួនជូនចំពោះលោក Xi Jinping ប្រធានរដ្ឋចិននិងលោកស្រី Peng Liyuanភរិយារបស់លោក ហើយថ្លែងអំណរគុណនិងសម្តែងការស្វាគមន៍ចំពោះលោក Han Zheng ក្នុងនាមជាតំណាងពិសេសរបស់ប្រធានរដ្ឋចិនលោក Xi Jinping មកចូលរួមពិធីបើកព្រឹត្តិការណ៍កីឡាំអូឡាំពិកក្រុងប៉ារីស។

យប់ថ្ងៃដដែលនោះ លោក Han Zheng បានចូលរួមពិធីបើកព្រឹត្តិការណ៍កីឡាអូឡាំពិករដូវក្តៅលើកទី៣៣នៅទីធ្លាTrocadero ក្រុងប៉ារីស។

មុនពិធីបើក  លោក Han Zheng បានធ្វើដំណើរពិសេសទៅកាន់ភូមិកីឡាអូឡាំពិកដើម្បីសួរសុខទុក្ខអត្តពលិក គ្រូបង្វឹកកីឡានិងបុគ្គលិកការងារនៃគណៈប្រតិភូកីឡាចិន៕