ថ្ងៃទី៨ខែកក្កដាតាមម៉ោងក្នុងតំបន់ លោកNasser Kanaaniអ្នកនាំពាក្យក្រសួងការបរទេសអ៊ីរ៉ង់បានធ្វើសន្និសីទកាសែត។ លោកបានថ្លែងថា នាពេលបច្ចុប្បន្ន អ៊ីរ៉ង់កំពុងស្ថិតក្នុងបរិយាកាសខាងក្រៅដែលមានអំណោយផល ហើយរដ្ឋាភិបាលអាណត្តិក្រោយអាចប្រើប្រាស់សមិទ្ធផលការទូតបច្ចុប្បន្នដើម្បីស្វែងរកការដកទណ្ឌកម្មចេញពីអ៊ីរ៉ង់ ព្រមពេលជាមួយគ្នានេះ អ៊ីរ៉ង់ក៏នឹងបន្តពង្រឹងទំនាក់ទំនងជាមួយប្រទេសជាមិត្តដូចជាចិនជាដើមផងដែរ។
លោកKanaaniបានថ្លែងទៀតថា គោលនយោបាយការទូតរបស់អ៊ីរ៉ង់គឺច្បាស់លាស់ពោលគឺការធ្វើការប្រាស្រ័យទាក់ទងជាមួយបណ្តាប្រទេសលើពិភពលោក ដោយឈរលើមូលដ្ឋានគាំពារសេចក្តីថ្លៃថ្នូររបស់ប្រទេសជាតិនិងជនជាតិ ផ្តោតលើការពង្រឹងទំនាក់ទំនងជាមួយប្រទេសជិតខាងនិងគាំទ្រពហុភាគីនិយម។ ព្រមពេលជាមួយគ្នានេះ ទំនាក់ទំនងជាមួយប្រទេសជិតខាងជាច្រើនក៏មានភាពល្អប្រសើរឡើងដែរ។
លើសពីនេះទៅទៀត លោកបានថ្លែងថា អ៊ីរ៉ង់កំពុងទាក់ទងដោយប្រយោលជាមួយអាមេរិក ហើយព័ត៌មានលម្អិតនឹងត្រូវប្រកាសនៅពេលសមរម្យណាមួយ៕