កាលពីថ្ងៃទី ៣ ខែកក្កដា លោកស្រី Mao Ning អ្នកនាំពាក្យក្រសួងការបរទេសចិន បានធ្វើជាអធិបតីក្នុងសន្និសីទសារព័ត៌មានជាប្រចាំ មានអ្នកសារព័ត៌មានបានសួរថា មជ្ឈមណ្ឌលសិក្សាស្រាវជ្រាវអំពីយុទ្ធសាស្ត្រនិងអន្តរជាតិរបស់សហរដ្ឋអាមេរិកបានចេញផ្សាយរបាយការណ៍កាលពីថ្ងៃទី ១ ខែកក្កដា ដោយបញ្ជាក់ថា ប្រទេសចិនមានលទ្ធភាពបង្កើតស្ថានីយឃ្លាំស្តាប់ការណ៍សម្ងាត់ចំនួន ៤ នៅក្នុងប្រទេសគុយបា។ តើភាគីចិនមានការអធិប្បាយយ៉ាងណាចំពោះរឿងនេះ?
លោកស្រី Mao Ning បានឆ្លើយថា របាយការណ៍ពាក់ព័ន្ធគ្មានមូលដ្ឋានការពិតទេ។ អ្វីដែលគេហៅថា "មូលដ្ឋានយោធាចិន" គឺមិនស្ថិតមានទាល់តែសោះ ហើយក៏គ្មាននរណាម្នាក់ធ្លាប់ឃើញដែរ សូម្បីតែស្ថានទូតអាមេរិកប្រចាំនៅគុយបាក៏មិនជឿដែរ។ កិច្ចសហប្រតិបត្តិការរវាងចិននិងគុយបាគឺប្រកបដោយភាពស្មោះត្រង់និងបើកចំហ ហើយមិនសំដៅចំពោះភាគីទីបីទេ ចិនមិនទទួលយក ហើយក៏មិនអនុញ្ញាតឱ្យភាគីទីបីណាមកមួលបង្កាច់ ប្រមាថ ឬលាបពណ៌ដោយចេតនាអាក្រក់នោះឡើយ៕